ភ្នំពេញ ៖ យោងតាមប្រភពពីប្រជាពលរដ្ឋរស់នៅក្នុងមូលដ្ឋានបានអោយដឹងថា ទីតាំងល្បែងសុី សងហ្គេមបាញ់ត្រីខុសច្បាប់និងល្បែងជាច្រើនប្រភេទទៀតនៅតាមបណ្តោយផ្លូវ ១១៣.k ស្ថិតនៅភូមិព្រៃទា សង្កាត់ចោមចៅទី៣ ខណ្ឌពោធិ៍ សែនជ័យ រាជធានីភ្នំពេញ នៅតែបន្តកៀងគរប្រមូលផ្ដុំក្រុមញៀនល្បែងប្រុសស្រី ក្មេងចាស់ ចូលទៅលេងយ៉ាងគគ្រឹកគគ្រេងដដែល រីឯ លោក ម៉ន វុទ្ធី អធិការដ្ឋាននគរបាលខណ្ឌពោធិ៍សែនជ័យ និងលោក សក់ ច័ន្ទកញ្ញារិទ្ធ អភិបាល ខណ្ឌពោធិ៍សែនជ័យ រក្សាភាពស្ងៀមស្ងាត់ មិនទាន់ឃើញចាត់មន្រ្តីក្រោមឱវាទចុះ មកពិនិត្យទប់ស្កាត់និងបង្រ្កាបទីតាំងនោះនៅឡើយទេ!តើមានហេតុអ្វីទៅទាន?។
ប្រភពបានបន្តថា ទីតាំងល្បែងសុីសងហ្គេមបាញ់ត្រីខុសច្បាប់ និងល្បែងជាច្រើនប្រភេទទៀតនៅតែបន្តបើកដំណើរការអោយក្រុមញៀនល្បែងបើកលេងយ៉ាងពេញបន្ទុកដដែល. ដែលស្ថិតនៅក្នុងទឹកដី សង្កាត់ចោម ចៅទី៣ ខណ្ឌពោធិ៍សែនជ័យ កំពុងបើកដំណើរការរាល់ថ្ងៃយ៉ាងពេញបន្ទុកតែម្តង គេមិនទាន់ឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះអនុវត្តទប់ស្កាត់ និងបង្ក្រាបនោះទេ! ដែលធ្វើអោយគេសង្ស័យថាទីតាំងល្បែងមួយកន្លែងនេះប្រហែលជាឆ្នាំងបាយរបស់អាជ្ញាធរនិងសមត្ថកិច្ចមូលដ្ឋានទាំងអស់នោះផងក៍មិនដឹង ?។
ប្រភពបានបន្ថែមទៀតថា ម្ចាស់ទីតាំងល្បែងហ្គេមបាញ់ត្រីខុសច្បាប់និងល្បែងជាច្រើនប្រភេទទៀត ដែលមានទីតាំងខាងលើ បានធ្វើអោយប្រជាពល រដ្ឋមានការភ័យខ្លាច និងព្រួយបារម្ភ បញ្ហាអសន្តិ សុខ សង្គមនិង អំពើចោរកម្ម.ចោរលួច. ចោរឆក់. ចោរប្លន់.ចោរគាស់ផ្ទះនិងប្រើអំពើហិង្សាគ្រួសារគ្រឿងញៀនជាដើមចមកើតចេញពីល្បែងសុីសងនេះឯង។ ពលរដ្ឋលើកឡើងថា ឯណាទៅ គោល នយោបាយភូមិ ឃុំ សង្កាត់មានសុវត្ថិភាពទាំង ៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ ដាក់អោយមន្ត្រីថ្នាក់ក្រោមជាតិ អនុវត្តទប់ស្កាត់និងបង្ក្រាបល្បែងសុីសងដើម្បីសុខសុវត្ថភាពជូនប្រជាពលរដ្ឋនោះបើក្នុងមូលដ្ឋាននៅតែមានល្បែងសុីសងដូច្នេះ។
ហេតុដូច្នេះហើយទើបប្រជាពលរដ្ឋរស់នៅក្នុងមូលដ្ឋានខាងលើសំណូមពរដល់ ឧត្តមសេនីយ៍ ឯក ជួន ណារិន្ទ ស្នងការនគរបាលរាជធានីភ្នំពេញ ជាពិសេ សលោក ឃួង ស្រេង អភិបាលរាជធានីភ្នំពេញ សូមមេត្តាចាត់មន្រ្តីជំនាញក្រោមឱវាទចុះពិនិត្យទប់ស្កាត់និងបង្រ្កាបទីតាំងល្បែងហ្គេមបាញ់ត្រីខុសច្បាប់និងល្បែងជាច្រើនប្រភេទទៀត ដែលនៅស្ថិតក្នុងមូលដ្ឋានខាងលើនេះអោយមានប្រសិទ្ធភាពផងទាន។
សូមរំលឹកថា ថ្មីៗនេះសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញបទបញ្ជាអោយ អភិបាលរាជធានី.ខេត្តទាំងអស់ទូទាំងប្រទេស ត្រួតពិនិត្យជាបន្ទាន់លើទីតាំងល្បែងសុីសងផ្សង សំណាង សូមចាត់វិធានការបិទជាបន្ទាន់គ្មានការលើកលែង៕មានត