ខេត្តស្ទឹងត្រែង៖ យោងតាមប្រភពពីសមត្ថកិច្ចខេត្តស្ទឹងត្រែងបានឲ្យដឹងថា បុរសម្នាក់ឈ្មោះ ចាន់ សុភ័ក្ត្រ បច្ចុប្បន្នជាមន្ត្រីនគរបាលវរៈសេនាតូចការពារព្រំដែនដែនគោក៧០១ កាលពីកំឡុងឆ្នាំ២០១៣ ត្រូវបានតុលាការសម្រេចផ្ផ្ដន្ទាទោសឲ្យជាប់ពន្ធនាគាររយៈពេល៣ឆ្នាំ អនុវត្តទោសនៅក្នុងពន្ធនាគារនិងព្យួរឲ្យនៅក្រៅឃុំ ពាក់ព័ន្ធក្នុងករណីឆក់កាបូប មានស្ថានទម្ងន់ទោស។ ប៉ុន្តែឥឡូវបុរសខាងលើនេះ បានក្លាយខ្លួនទៅជាមន្ត្រីនគរបាលដ៏មានកិត្តិយសម្នាក់ប្រចាំ ការនៅព្រំដែនគោក ៧០១។ វត្តមានរបស់បុរសខាងលើក្នុងតួនាទីជាសមត្ថកិច្ចនេះ ញ៉ាំងឲ្យមានការភ្ញាក់ហើយជាទូទៅចំពោះមន្ត្រីនគរបាលខេត្តស្ទឹងត្រែង ក៏ដូច ជាកងកម្លាំងប្រដាប់អាវុធនៅ ក្នុងខេត្តទាំង មូល។
ប្រជាពលរដ្ឋជាទូទៅក្នុងខេត្តស្ទឹងត្រែង នាកំឡុងឆ្នាំ២០១៣ ម្នាក់ៗមានការភិតភ័យ ព្រួយ បារម្ភយ៉ាងខ្លាំង ខណៈកំឡុងឆ្នាំនោះ គឺកក្រើក គ្រាកើតមានករណីឆក់ប្លន់សកម្មដ៏គួរឲ្យខ្លាច ដោយមានមេក្លោងចាត់ តាំងមុនពេលចេញធ្វើសកម្មភាព តែក៏ត្រូវបានកម្លាំងនគរបាលព្រហ្មទណ្ឌកម្រិតស្រាលចុះបង្ក្រាបបានដែលជាមេក្រុមចាត់តាំងម្នាក់ ។ ក្រោយការបង្ក្រាបរបស់សមត្ថកិច្ច គេសង្កេតឃើញថា សកម្មភាពឆក់,ប្លន់នៅខេត្តស្ទឹងត្រែងហាក់ដូចជាថមថយបន្តិច។ សមត្ថកិច្ចបានចាប់ខ្លួនបុរសជាមេខ្លោង ដែលធ្វើឲ្យប្រជាពល រដ្ឋរស់នៅខេត្តស្ទឹងត្រែងអបអរសាទរយ៉ាងខ្លាំង។
តាមប្រភពសមត្ថកិច្ចដដែលបន្តថា បុគ្គលឈ្មោះចាន់ សុភ័ក្ត្រ ត្រូវបានចាប់ខ្លួននៅថ្ងៃ ទី៦ ខែមិថុនា ឆ្នាំ២០១៣ ក្រោយ១ ថ្ងៃ បន្ទាប់បានចេញធ្វើសកម្មភាពឆក់កាបូបអ្នកធ្វើដំណើរបានដោយសុវត្ថិ ភាព នៅថ្ងៃទី៥ មិថុនាឆ្នាំ២០១៣ ។ ក្រោយការចាប់ខ្លួនកម្លាំងនគរ បាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តស្ទឹងត្រែងបាននាំជនសង្ស័យ ឈ្មោះចាន់ សុភ័ក្ត្រ ទៅបង្ហាញទីតាំងដែលខ្លួនយកសំណាកវត្ថុតាងឆក់ពីជនរងគ្រោះទៅប្លុង ចោលស្ថិតនៅភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង។
តាមប្រភពព័ត៌មានមួយទៀតពីមន្ត្រីកងរាជអាវុធហត្ថខេត្តស្ទឹងត្រែងដោយសុំមិនឱ្យបញ្ចេញឈ្មោះដឹងថា អង្គភាពកងរាជអាវុធហត្ថធ្លាប់បានបដិសេធក្នុងការជ្រើសរើសបុរសខាងលើនេះចូលបម្រើការងារក្របខ័ណ្ឌយោធិនកងរាជ អាវុធហត្ថដោយសារស្រាវជ្រាវទៅបុគ្គលនោះមានប្រវត្តិចាប់ ខ្លួនពីកម្លាំងនគរបាលពាក់ព័ន្ធរឿង អាស្រូវបទល្មើស ក្រោយ មកក៏ត្រូវបានចូលជាមន្ត្រីនគរបាលស្ងាត់ៗដោយពុំដឹងថា ចូលប្រឡងតាមក្រប ខ័ណ្ឌស្របច្បាប់ឬចូលបានតាមជើងខោនោះទេ។
សូមបញ្ជាក់ថា សព្វថ្ងៃនេះ លោក ចាន់ សុភ័ក្ត្រ មានឋានៈអនុសេនីយ៍ត្រី នៃ វរៈសេនាតូចនគរ បាលការពារព្រំដែនដែនគោក៧០១ ជាកូនបង្កើតរបស់លោក ចាន់ សុផា ដែលបច្ចុប្បន្នជាស្នងការរងទទួលផែនវរៈសេនាតូចការពារព្រំដែន គោក៧០១នេះតែម្ដង។ តើអគ្គស្នងការនគរបាលជាតិ ក៏ដូចជាក្រសួងមហាផ្ទៃ គួរបើក ការស៊ើបអង្កេតចំពោះវត្ត មានរបស់លោក ចាន់ សុភក្រ្តា ក្នុងតួនាទីជាកម្លាំងនគរបាលនៅខេត្តស្ទឹងត្រែងនោះដែរឬ ទេ? ពីព្រោះអតីតភាពរបស់គាត់គ្រាន់តែជាចោរឆក់ដ៏សកម្មមួយរូបប៉ុណ្ណោះ៕
