ខេត្តត្បូងឃ្មុំ ៖ តាមប្រភពពីប្រជាពលរដ្ឋរស់នៅភូមិឆ្ងរសាលា ឃុំមេមត់ បានអោយដឹងថា មានទីតាំងល្បែងមាន់ជល់ និងអាប៉ោងខុសច្បាប់ មួយកន្លែង ដែលស្ថិតនៅភូមិឆ្ងរសាលា ឃុំមេមត់ ស្រុកមេមត់ ខេត្តត្បូងឃ្មុំ ដែលបើកដំណើរការអោយក្រុមញៀនល្បែងចូលលេងយ៉ាងគគ្រឹកគគ្រេង រីឯលោកវរសេនីយ៍ទោ ប៉ោង សុីណាត អធិការនគរ បាលស្រុកមេមត់ និងលោក ស្រេង លី អភិបាលស្រុកមេមត់ រក្សាភាពស្ងៀមស្ងាត់ មិនឃើញចាត់កម្លាំងជំនាញក្រោមឱវាទចុះទប់ស្កាត់និងបង្រ្កាបនោះទេ!តើមានហេតុអ្វីទៅទាន? ។
ប្រភពបានបន្តថា ម្ចាស់ទីតាំងល្បែងមាន់ជល់ និងអាប៉ោងខុសច្បាប់ មួយកន្លែងនេះបានបើកដំណើរការលេងស្ថិតនៅក្នុង ឃុំមេមត់ ស្រុកមេមត់ កំពុងបើកដំណើរការអោយក្រុមញៀនល្បែងយ៉ាងពេញបន្ទុក រាល់ថ្ងៃ តែគេមិនដែលឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានចុះទប់ស្កាត់និងបង្ក្រាបនោះទេ! ដែលធ្វើអោយ គេសង្ស័យថាទីតាំងវង់ល្បែងមួយកន្លែងនេះ ជាឆ្នាំងបាយ របស់ អាជ្ញាធរនិងសមត្ថកិច្ចមូលដ្ឋាន ទាំងអស់នោះផងក៏មិងដឹង? ទើបទីតាំងល្បែងសុីសងមាន់ជល់ និងអាប៉ោងខុសច្បាប់ ដែលមានទីតាំងខាងលើ គេសង្កេតឃើញក្រុមញៀនល្បែងនាំគ្នាចូលលេងភ្នាល់ចាក់លុយចាញ់ឈ្នះរាប់លាន រាប់ពាន់ដុល្លារ ហើយស្រែកហ៊ោ កញ្ជ្រៀវ កងរំពងបង្កការភ្ញាក់ផ្អើលដល់ប្រជាពលរដ្ឋមានការភ័យខ្លាចនិងព្រួយបារម្ភបញ្ហា អសន្តិសុខ សង្គម និងអំពើចោរកម្ម ចោរលួច. ចោរឆក់. ចោរប្លន់.ចោរគាស់ផ្ទះ និងប្រើអំពើហិង្សា គ្រួសារ គ្រឿងញៀនជា ដើមចមកើតចេញពីល្បែងសុីសងនេះឯង។
ជុំវិញនៃក្តីកង្វល់របស់ប្រជាពលរដ្ឋខាងលើស្នើសុំដល់ ឧត្តមសេនីយ៍ទោ ម៉ុន មាគ៌ា ស្នងការនគរ បាលខេត្តត្បូងឃ្មុំ ជាពិសេស ឯកឧត្តម ជាម ច័ន្ទសោភ័ណ អភិបាលខេត្តត្បូងឃ្មុំ និងលោក រ័ត្ន ចាន់ណា មេបញ្ជាការកងរាជអាវុធហត្ថខេត្តត្បូងឃ្មុំ សូមមេត្តាចាត់មន្រ្តីក្រោមឱវាទចុះទប់ស្កាត់និងបង្រ្កាបទីតាំងល្បែងមាន់ ជល់ និងអាប៉ោងខុសច្បាប់ ដែលស្ថិតក្នុងភូមិសាស្ត្រខាង លើនេះ អោយស្របតាមគោលនយោបាយ. ភូមិ. ឃុំ. សង្កាត់.មានសុវត្ថិភាព ទាំង ៧ចំណុច ដែលរាជរដ្ឋាភិបាលបានដាក់ចេញដោយក្រសួងមហា ផ្ទៃ ដើម្បីអោយមន្ត្រីថ្នាក់ក្រោមជាតិ អនុវត្តទប់ស្កាត់និងបង្រ្កាបអោយមានប្រសិទ្ធភាព ។
គួររំលឹកផងដែថា នៅថ្ងៃទី១៧ ខែកញ្ញា ឆ្នាំ ២០២២.បានកន្លងផុតទៅ សម្តេចតេជោ ហ៊ុន សែន អតីត នាយករដ្ឋមន្ត្រីនៃកម្ពុជា បានដាក់បទបញ្ជាដល់ អភិបាល រាជធានីខេត្ត.ទាំង ២៥.ខេត្ត. ក្រុង.ត្រូវតែបង្រ្កាប ទីតាំងបនល្បែងស៊ីសង គ្រប់ប្រភេទ នូវទូទាំងប្រទេស អោយមានប្រសិទ្ធភាពគ្មានការលើកលែង។សម្ដេចតេជោ បានបញ្ជាក់ទៀតថា បើអាជ្ញាធរនិងសមត្ថកិច្ចមូលដ្ឋានស្រុក. ក្រុង.ខេត្ត.ណាមិនអនុវត្តទប់ស្កាត់និងបង្រ្កាបទីតាំងបនល្បែងស៊ីសង គ្រប់ប្រភេទ នៅក្នុងមូល ដ្ឋាន របស់ខ្លួនទេ! អាជ្ញាធរនិងសមត្ថកិច្ចទាំង នោះនិងមានបញ្ហាប្រឈមនិងដកចេញពីតំណែងទៀតផង។ថ្មីៗនេះសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបន្តវេនចេញបទបញ្ជាដល់ អភិបាល រាជធានីខេត្តទាំង អស់នៅទូទាំងប្រទេសត្រួតពិនិត្យជាបន្ទាន់លើទីតាំងល្បែងផ្សេងសំណាងទាំងអស់នោះផងដែរ៕មានត
