ខេត្តកំពង់ចាម៖តាមប្រភពពីប្រជាពលរដ្ឋក៍ដូចអាជីវករលក់ដូរនៅផ្សារស្រែវាលបានអោយដឹងថាទីតាំងល្បែងជល់មាន់ខុសច្បាប់ តាមប្រព័ន្ធអន ឡាញនិងឡូតូ ជាច្រើនកន្លែងនៅជុំវិញ ផ្សារស្រែ វាល ស្ថិតនៅភូមិត្រពាំងឈូក ឃុំមេសជ្រៃ ស្រុកស្ទឹងត្រង់ ខេត្តកំពង់ចាម បើកដំណើរការអោយក្រុមញៀនល្បែងបើកលេងយ៉ាងគគ្រឹកគគ្រឹង រីឯអាជ្ញាធរនិងសមត្ថកិច្ចក្នុងមូលដ្ឋាន បាននាំគ្នារក្សាភាពស្ងៀមស្ងាត់ មិនព្រមធ្វើការទប់ស្កាត់និងបង្រ្កាបនោះទេ! គេសង្ស័យថា ទីតាំងល្បែងទាំង នោះប្រហែលជាឆ្នាំងបាយ របស់អាជ្ញាធរនិងសមត្ថកិច្ចមូលដ្ឋានផងក៍មិនដឹង? ទើបមិនព្រមបង្រ្កាប។
ទីតាំងល្បែងជល់មាន់ខុសច្បាប់តាមប្រព័ន្ធអន ឡាញ និងឡូតូ ជាច្រើនកន្លែងនៅជុំវិញផ្សារស្រែ វាលក្នុងឃុំមេសជ្រៃ ស្រុកស្ទឹងត្រង់ កំពុងបើកដំណើរការអោយក្រុមញៀនល្បែងបើកលេងរាល់ថ្ងៃ គេមិនដែលឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះទប់ស្កាត់និងបង្រ្កាបនោះទេ!ឬមួយខ្លាចបាត់បង់ផលប្រយោជន៍ទេដឹង? ទើបមិនហ៊ានបង្ក្រាប។
ប្រភពដដែលបានអោយដឹងទៀតថា ទីតាំងល្បែង ជល់មាន់ខុសច្បាប់តាមប្រព័ន្ធអនឡាញនិងឡូតូ ជាច្រើនកន្លែង ដែលមានទីតាំងខាងលើ បើកអោយក្រុមញៀនល្បែងលេងបង្កភាព រញេរញ៉ៃយ៉ាងអនាធិបតេយ្យ ធ្វើអោយពួកគាត់រស់នៅក្បែរមូលដ្ឋានខាងលើមានការភ័យខ្លាចនិងព្រួយបារម្ភ បញ្ហាអសន្តិសុខ សង្គមនិងអំពើចោរកម្ម ចោរលួច .ចោរឆក់. ចោរប្លន់ .ចោរគាស់ផ្ទះនិងប្រើអំពើហិង្សា គ្រួសារគ្រឿងញៀនជាដើមចមកើតចេញពីល្បែងសុីសងនេះឯង។
ដូច្នេះហើយទើបប្រជាពលរដ្ឋក៏ដូចអាជីវករលក់ ដូរនៅជុំវិញផ្សារស្រែវាលបានស្នើសុំដល់លោក អ៊ុន ចាន់ដា អភិបាល ខេត្តកំពង់ចាម.លោកឧត្តមសេនីយ៍ទោ ហេង វុទី្ឋ ស្នងការនគរបាលខេត្តកំពង់ចាម និងលោកមេបញ្ជាការកងរាជអាវុធ ហត្ថខេត្តកំពង់ចាម សូមមេត្តាចាត់មន្រ្តីក្រោមឱវាទ ចុះទប់ស្កាត់និងបង្រ្កាប់ទីតាំងល្បែងសុីសង ជល់មាន់ខុសច្បាប់តាមប្រព័ន្ធអនឡាញនិងឡូតូ ជា ច្រើនកន្លែងនៅជុំវិញផ្សារស្រែវាលស្ថិតក្នុងភូមិសាស្ត្រខាង លើអោយមានប្រសិទ្ធភាពផងស្របតាមគោលនយោបាយ ភូមិ.ឃុំ. សង្កាត់.មានសុវត្ថិភាព ទាំង៧ ចំណុច ដែលរាជរដ្ឋាភិបាល បានដាក់ចេញដោយក្រសួងមហាផ្ទៃ ដើម្បីដាក់ អោយមន្ត្រីថ្នាក់ក្រោមជាតិ អនុវត្តទប់ស្កាត់និងបង្ក្រាប រាល់ល្បែងស៊ីសងអោយមានប្រសិទ្ធភាព។
គួររំលឹកផងដែរថា កាលនៅថ្ងៃទី១៧ ខែកញ្ញា ឆ្នាំ២០២២. កន្លងទៅសម្តេចតេជោ ហ៊ុនសែន អតីត នាយករដ្ឋមន្ត្រីនៃកម្ពុជា បានដាក់បទបញ្ជាអភិបាល រាជធានី ខេត្តទាំង២៥ ខេត្ត.ក្រុង.ត្រូវតែបង្រ្កាបទីតាំងបនល្បែងស៊ីសង គ្រប់ប្រភេទ នូវទូទាំងប្រទេស អោយប្រសិទ្ធភាពគ្មានការ លើកលែង។សម្ដេចតេជោ បានបញ្ជាក់ទៀតថា បើ អាជ្ញាធរនិងសមត្ថកិច្ចមូលដ្ឋានស្រុក.ក្រុង. ខេត្ត. ណាមិនអនុវត្តទប់ស្កាត់ និងបង្រ្កាបទីតាំងបនល្បែងស៊ីសង គ្រប់ប្រភេទ នៅក្នុងមូលដ្ឋានរបស់ខ្លួនគ្រប់គ្រង់នោះទេ! អាជ្ញាធរនិងសមត្ថកិច្ច មូល ដ្ឋានទាំងនោះនិងមានបញ្ហាប្រឈមនិងដកចេញពីតំណែងទៀតផង៕មានត