ខេត្តត្បូងឃ្មុំ ៖ បើតាមប្រភពរាយការណ៍ពីប្រជាពលរដ្ឋរស់នៅភូមិកោងកាងឃុំកោងកាងបានអោយដឹងថា សង្វៀនជល់មាន់និងអាប៉ោងខុសច្បាប់របស់ឈ្មោះអុិនយ៉េងនៅតែបន្តបើកអោយក្រុមញៀនល្បែងលេងយ៉ាងគគ្រឹកគគ្រេងដដែលទេ ដែលស្ថិនៅភូមិកោងកាង ឃុំកោងកាង ស្រុកពញាក្រែក ខេត្តត្បូងឃ្មុំ ជាមេល្បែងប្រចាំស្រុកពញាក្រែកបើកលេងដោយរលូន រីឯអាជ្ញាធរនិងសមត្ថកិច្ចមូលដ្ឋានរក្សាភាពស្ងៀមស្ងាត់ ។ទីតាំងមួយកន្លែងនេះនៅតែបន្តបើកអោយក្រុមញៀនល្បែងចេញ ចូលលេងជារៀងរាល់ថ្ងៃយ៉ាងគគ្រឹកគគ្រេងអនាធិបតេយ្យមិនខ្វល់ក្នុងការបង្រ្កាបរបស់សមត្ថកិច្ចឡើយ ។ ចំណែកលោកអភិបាលស្រុកពញាក្រែកនិងលោកអធិការដ្ឋាននគរបាលស្រុកពញាក្រែក មិនហ៊ានចាត់ វិធានការទប់ស្កាត់និងបង្ក្រាប អោយស្របតាមគោលនយោបាយភូមិឃុំសង្កាត់មានសុវត្ថិភាពទាំង ៧ចំណុចដែលរាជរដ្ឋាភិបាលដែលបានដាក់ចេញដោយក្រសួងមហាផ្ទៃនោះទេ។បែជាបណ្តោយអោយឈ្មោះ អុិន យ៉េង ម្ចាស់សង្វៀនមាន់ជល់និងអាប៉ោងខុសច្បាប់មួយកន្លែងនេះបើកលេងដោយរលូន ។
ប្រភពបានបន្តថា ម្ចាស់ទីតាំងល្បែងឈ្មោះ អុិន យ៉េង បានកៀងគរប្រមូលក្រុមញៀនល្បែងមក ជួបជុំគ្នាចូលលេងល្បែងស៊ីសងជល់មាន់ និងអាប៉ោងខុសច្បាប់នៅចំណុចចំការកៅស៊ូ ភូមិកោងកាង ឃុំកោងកាង ស្រុកពញាក្រែក ខេត្តត្បូងឃ្មុំ នៅតែបន្តបើកលេងបានដោយដោយសេរីដដែល មិនរំខានដល់សមត្ថកិច្ចឡើយ។ទើបមហា ជនរិះគន់ដាក់ការសង្ស័យថា ប្រហែលម្ចាស់សង្វៀនល្បែងសុីសងខុសច្បាប់នេះបានផ្ដល់ផលប្រយោជន៍ ដល់សមត្ថកិច្ចនិងអាជ្ញាធរហើយទេដឹង?ជាថ្នូរមិនបង្រ្កាប។ សង្វៀនជល់មាន់និងអាប៉ោងខុសច្បាប់បើកភ្នាល់ចាក់ដាក់លុយចាញ់ឈ្នះរាប់លាន រាប់ពាន់ដុល្លារ.ពិសេសអាប៉ោងសុីសាច់ហុត ឈាមនៅក្នុងសង្វៀនហើយស្រែកហ៊ោ កញ្រ្ចៀវកងរំពងយ៉ាងសប្បាយហាក់បីដូចមិនខ្លាចញញើតសមត្ថកិច្ចនិងអាជ្ញាធរអ្វីទាំងអស់ ។មជ្ឈដ្ឋាននានាបានរិះគន់ទៅលើអាជ្ញាធរនិងសមត្ថកិច្ចមូលដ្ឋានឃុំ.ស្រុក. មិនគួរបណ្តែត បណ្តោយធ្វើ ព្រងើយមិនមានចំណាត់ការទប់ស្កាត់និងបង្ក្រាបនោះទេ។ធ្វើអោយប្រជាពលរដ្ឋមានការព្រួយ បារម្ភភ័យខ្លាចអំពើបញ្ហាអសន្តិសុខសង្គមនិងអំពើចោរកម្ម លួច ឆក់ ប្លន់ គាស់ផ្ទះប្រើអំពើហិង្សាគ្រួសារ គ្រឿងញៀនដើមចមកើតចេញ ពីល្បែងសុីសងនេះឯង។
ប្រជាពលរដ្ឋក្នុងមូលដ្ឋានខាងលើសូមសំណូមពរដល់ថ្នាក់ ដឹកនាំក្រសួងមហាផ្ទៃជាពិសេសលោកនាយឧត្តសេនីយ៍ ស ថេត អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការប្រយុទ្ធប្រឆាំងបទល្មើសល្បែងសុីសងខុស ច្បាប់មេត្តាចាត់មន្រ្តីក្រោមឱវាទខេត្តចុះទប់ស្កាត់និងបង្រ្កាបទីតាំងខាងលើអោយមានប្រសិទ្ធភាពផង។
ដូច្នេះហើយសូមលោក ជាម ច័ន្ទសោភ័ណ អភិបាល ខេត្តត្បូងឃ្មុំ.លោកឧត្តមសេនីយ៍ទោ ម៉ុន មាគ៌ា ស្នងការនគរ បាលខេត្តត្បូងឃ្មុំនិងលោកឧត្តមសេនីយ៍ត្រី រ័ត្ន ចាន់ណា មេបញ្ជាការកងរាជអាវុធហត្ថខេត្តត្បូងឃ្មុំ ចាត់កម្លាំងជំនាញចុះធ្វើការទប់ស្កាត់និងបង្ក្រាបសង្វៀនជល់មាន់និងអាប៉ោងខុសច្បាប់ដែលកំពុង បើកចល័តលេងរាល់ថ្ងៃនៅក្នុងមូលដ្ឋានភូមិ ឃុំ ខាងលើអោយមានប្រសិទ្ធភាពដើម្បីអោយស្របតាមគោលនយោបាយភូមិ ឃុំ សង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃផងទាន៕មានត
