ភ្នំពេញ ៖ តាមប្រភពពីប្រជាពលរដ្ឋដែលរស់នៅក្បែរនោះបានអោយដឹងថា មានទីតាំងសង្វៀន ជល់មាន់និងអាប៉ោងខុសច្បាប់ចល័តពីកន្លែងមួយ ទៅកន្លែងមួយ មានម្ចាស់តែមួយតែដូរទីតាំងរហូតកន្លែង៖ទី១/នៅភូមិលូ សង្កាត់ស្វាយប៉ាកខណ្ឌឬស្សីកែវ ។ទី២/នៅចំណុចកុងសុីកាប់ជ្រូកស្ថិតនៅភូមិបឹងឈូក សង្កាត់គីឡូម៉ែត្រលេខ ៦ ខណ្ឌឬស្សីកែវ ។
ទី៣/នៅម្តុំរោងចិញ្ចឹមទា ក្រោយវត្តទួល សង្កាត់គីឡូម៉ែត្រលេខ៦ ខណ្ឌឬស្សីកែវ ។
ទី៤/នៅក្រោយផ្សារសាមគ្គី ស្ថិតនៅភូមិសាមគ្គី សង្កាត់ឬស្សីកែវ ។ទីតាំងបនល្បែងទាំងនេះ ស្ថិតក្នុងទឹកដី ខណ្ឌឬស្សីកែវ រាជធានីភ្នំពេញ បើកលេងយ៉ាងអនាធិបតេយ្យ រីឯ. អាជ្ញាធរនិងសមត្ថកិច្ចក្នុងមូល ដ្ឋាន អសមត្ថភាពក្នុងការបង្រ្កាបខណៈបនល្បែងសុីសងនៅតែបន្តបើកលេងអនាធិបតេយ្យ។
បើតាមប្រភពសេចក្តីរាយការណ៍មកថា ទីតាំងសង្វៀនជល់មាន់ និងអាប៉ោងនៅខណ្ឌឬស្សីកែវ កំពុងបើកដំណើរការលេងយ៉ាងពេញ បន្ទុក មិនទាន់ឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះអនវត្តទប់ស្កាត់ និងបង្ក្រាបឡើយ! សង្ស័យ បានលាភសក្ការៈហើយទេដឹង?ទើបមិនហ៊ានបង្រ្កាប។
ប្រភពបានបន្តទៀតថា សង្វៀនជល់មាន់ និងអាប៉ោង ខុសច្បាប មានទីតាំងខាងលើ បើកក្រុមញៀនល្បែងចូលលេងពពាក់ពពូនភ្នាល់ចាក់ដាក់ លុយចាញ់ឈ្នះ រាប់លាន រាប់ពាន់ដុល្លារ ឯណោះ។ហើយនាំគ្នាស្រែកហ៊ោកញ្ជ្រៀវ ទ្រហឹងកងរំពង ធ្វើឲ្យប៉ះពាល់ដល់ប្រជាពលរដ្ឋរស់នៅក្បែរនោះ មានការព្រួយបារម្ភយ៉ាងខ្លាំង អំពីបញ្ហាអសន្តិសុខ សង្គមនិងភាពភ័យខ្លាចកើត មាននូវ អំពើចោរកម្ម និងបទល្មើសផ្សេងៗដូចជាលួច. ឆក់. ប្លន់.គាស់ផ្ទះនិងប្រើអំពើហិង្សាក្នុងគ្រួសារ គ្រឿងញៀនជាដើមចមកើតចេញពីល្បែងសុីសងនេះឯង។
ដូច្នេះហើយទើបប្រជាពលរដ្ឋ រស់នៅក្នុងមូលដ្ឋានខាងលើសូមសំណូមពរដល់ថ្នាក់ដឹកនាំក្រសួងមហាផ្ទៃ ជាពិសេសឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញនិងលោក ឃួង ស្រេង អភិបាលរាជធានីភ្នំពេញ មេត្តាចាត់កម្លាំងជំនាញ ចុះត្រួត ពិនិត្យទប់ស្កាត់និងបង្ក្រាបទីតាំងសង្វៀនល្បែងសុីសងជល់មាន់ និងអាប៉ោងខុស ច្បាប់ស្ថិតក្នុងខណ្ឌឫស្សីកែវអោយមានប្រសិទ្ធ ភាពស្របតាមគោលនយោបាយភូមិ.ឃុំ. សង្កាត់ មានសុវត្ថិភាពទាំង៧ ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃផងទាន ៕មានត