ត្បូងឃ្មុំ៖ តាមប្រភពពីប្រជាពលរដ្ឋរស់នៅឃុំទន្លេបិទ ស្រុកត្បូងឃ្មុំ បានអោយដឹងថា សង្វៀន ជល់មាន់និងអាប៉ោងខុសច្បាប់កំពុងបើកលេងយ៉ាងគគ្រឹកគគ្រេងដែលស្ថិតនៅចំណុចក្រោយ វត្តទន្លេបិទ ភូមិទន្លេបិទ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ រីឯអាជ្ញាធរនិងសមត្ថកិច្ចមូលដ្ឋានហាក់ដូចរក្សាភាពស្ងៀមស្ងាត់! មិនចាត់វិធានការទប់ស្កាត់និងបង្ក្រាបអោយស្របតាមគោល នយោបាយ ភូមិ ឃុំ សង្កាត់ មានសុវត្ថិភាព៧ ចំណុចដែលរាជរដ្ឋាភិបាលដាក់ចេញដោយក្រសួងមហាផ្ទៃនោះទេ។
ប្រភពបានបន្តថា ម្ចាស់សង្វៀនមាន់ជល់និងអាប៉ោងមួយកន្លែងនេះបានគៀងគរបក្សពួកប្រមូលផ្ដុំក្រុមអ្នកញៀនល្បែងមកជួបជុំគ្នាបើកលេងល្បែងសុីសងបានយ៉ាងដោយរលូន គេមិនឃើញអាជ្ញាធរនិងសមត្ថកិច្ចមូលដ្ឋាន ឃុំ ស្រុក ណាចុះមកធ្វើការទប់ស្កាត់ឬមួយបង្ក្រាបនៅឡើយទេ?ឬមួយអាជ្ញាធរនិងសមត្ថកិច្ចមូលដ្ឋាន បានទទួល ផលប្រយោជន៍ពីម្ចាស់សង្វៀនទេដឹង? ទើបនាំគ្នារក្សាភាពស្ងៀមស្ងាត់បែបនេះ។
ប្រភពបន្ថែមថា ម្ចាស់សង្វៀនមានឈ្មោះ សុខ និងឈ្មោះ ណាន ជើងខ្លាំងក្នុងការបើកល្បែងសុី សងប្រចាំស្រុកត្បូងឃ្មុំ ខេត្តត្បូងឃ្មុំ ហើយបាន អួតអាងថា ទីតាំងខ្លួនបានរត់ការបង់សួយសារ ជូនអាជ្ញាធរនិងសមត្ថកិច្ចមូលដ្ឋានទើបអាចឈរ ជើងបើកបានមកដល់សព្វថ្ងៃ ដូច្នេះមិនខ្វល់អ្វីទាំង អស់។ មហាជនក៍ដូចប្រជាពលរដ្ឋរស់នៅក្នុងមូលដ្ឋានបានរិះគន់អាជ្ញាធរនិងសមត្ថកិច្ចមូលដ្ឋានល្បែងសុីសងបើកលេងគគ្រឹក គគ្រេងមិនព្រមបង្រ្កាប ធ្វើឲ្យប្ដីឬកូនៗពួកគាត់បោះបង់ការងាររៀនសូត្រគិតតែដើរលេងល្បែងចាញ់អស់ម៉ូតូ. ឡាន សូម្បីទ្រព្យសម្បត្តិនៅក្នុងផ្ទះមានបន្តិចបន្តួចក៍យកទៅបញ្ចាំអស់គ្មានសល់ សព្វថ្ងៃនេះពួកគាត់នាំគ្នាព្រួយបារម្ភបញ្ហាអសន្តិសុខ សង្គមនិងអំពើចោរកម្មលួច ឆក់ ប្លន់ គាស់ផ្ទះ គ្រឿង ញៀននិងប្រើអំពើហិង្សាក្នុងគ្រួសារដើមចមកើតចេញពីល្បែងសុីសងនេះឯង។
ប្រជាពលរដ្ឋរស់នៅមូលដ្ឋានខាងលើសូមសំណូម ពរដល់លោក ជាម ច័ន្ទសោភ័ណ្ឌ អភិបាលខេត្តត្បូងឃ្មុំ.លោក ម៉ុន មាគ៌ា ស្នងការនគរខេត្តត្បូងឃ្មុំនិងលោក រ័ត្ន ចាន់ណា មេបញ្ជាការកងរាជអាវុធហត្ថខេត្តត្បូងឃ្មុំ សូមមេត្តាចាត់កម្លាំងជំនាញក្រោមឱវាទចុះបង្រ្កាបសង្វៀនជល់មាន់ និងអាប៉ោងខុសច្បាប់កំពុងដំណើរការបើកលេងនៅក្នុងមូលដ្ឋានខាងលើនេះផងឲ្យស្របតាមគោលនយោបាយ ភូមិ ឃុំ សង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ៕មានត
