ខេត្តកំពង់ធំ ៖ រាជរដ្ឋាភិបាលកម្ពុជាបានដាក់ចេញនូវគោលនយោបាយភូមិឃុំសង្កាត់ មានសុវត្ថិភាពទាំង ៧ចំណុចអោយមន្រ្តីថ្នាក់ក្រោមជាតិអនុវត្តអោយមានប្រសិទ្ធភាពជូនដល់ប្រជាពលរដ្ឋ។ដោយឡែកអាជ្ញាធរនិងសមត្ថកិច្ចមូលដ្ឋានស្រុកបារាយណ៍បណ្តោយអោយមានសង្វៀនជល់មាន់និងអាប៉ោងខុសច្បាប់ដែលមានឈ្មោះតាម៉ៅនិង តាជូរ នៅភូមិត្រពាំងសង្កែ តែឥឡូវបានប្តូរមក លេងនៅភូមិបាក់ស្នាលើ ឃុំបាក់ស្នា ស្រុកបារាយ ណ៏ ខេត្តកំពង់ធំ កៀងគរប្រមូលផ្តុំក្រុមញៀនល្បែងឲ្យចូលទៅ លេងយ៉ាងគគ្រឹកគគ្រេង រីឯ អាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់មិនឃើញចុះបង្រ្កាបនោះទេ។
បើតាមប្រភពពីប្រជាពលរដ្ឋរស់នៅក្បែរនោះបានអោយដឹងថា ទីតាំងល្បែងជល់មាន់ និងអាប៉ោងខុសច្បាប់ មួយកន្លែងស្ថិតនៅក្នុងភូមិបាក់ស្នាលើ ឃុំបាក់ស្នា ស្រុកបារាយណ៏ ខេត្តកំពង់ធំ កំពុងបើកដំណើរការយ៉ាងពេញបន្ទុក បើកលេងរាល់ថ្ងៃ មិនទាន់ឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានណា ចុះមកអនុវត្តទប់ស្កាត់និងបង្ក្រាបឡើយ! សង្ស័យជាឆ្នាំងបាយ របស់ អាជ្ញាធរនិងសមត្ថកិច្ចមូលដ្ឋានផងក៏មិនដឹង?។
ប្រភពដដែលបានបន្ថែមទៀតថា ទីតាំងល្បែង ជល់មាន់និងអាប៉ោងខុសច្បាប់ឈ្មោះតាម៉ៅ និង តាជូរ មួយកន្លែងនេះបើកលេងយូឆ្នាំមកហើយតែលោកវរសេនីយ៍ឯក សួង ថេន អធិការដ្ឋាននគរ បាលស្រុកបារាយណ៏ និងលោកអភិបាលស្រុកបារាយណ៍នៅសម្ងំស្ងៀមឈឹង មិនឃើញឲ្យកូន ចៅចុះបង្ក្រាបនោះទេ!ធ្វើប្រជាពលរដ្ឋរស់នៅក្បែរនោះ មានការព្រួយបារម្ភយ៉ាងខ្លាំង អំពីបញ្ហា អសន្តិសុខ សង្គមនិងអំពើចោរកម្ម លួច ឆក់ ប្លន់ គាស់ផ្ទះនិងអំពើហិង្សាគ្រួសារ គ្រឿងញៀន ជាដើមចមកើតចេញពីល្បែងសុីសងនេះឯង។
ប្រជាពលរដ្ឋរស់នៅក្នុងមូលដ្ឋានខាងលើបានលើកឡើងថាឯណាទៅ គោលនយោបាយភូមិ. ឃុំ.សង្កាត់មានសុវត្ថិភាព ទាំង៧ចំណុចរបស់រាជរដ្ឋាភិបាលបានដាក់ចេញដោយក្រសួងមហាផ្ទៃ ដែលបានដាក់ចេញឲ្យមន្ត្រីថ្នាក់ក្រោមជាតិអនុ វត្តទប់ស្កាត់ និងបង្ក្រាបល្បែងសុីសងកាលពីកន្លងទៅបើនៅក្នុងមូលដ្ឋាននីមួយៗសំបូរទៅដោយល្បែងយ៉ាងដូច្នេះ។
ដូច្នេះហើយប្រជាពលរដ្ឋសំណូមពរទៅដល់លោក ងួន រតនៈអភិបាលខេត្តកំពង់ធំនិងឧត្តមសេនីយ៍ ទោ ម៉ែន លី ស្នងការនគរបាលខេត្តកំពង់ធំ សូម ជួយចាត់កម្លាំងជំនាញក្រោមឱវាទ ចុះត្រួតពិនិត្យ និងបង្ក្រាបទីតាំងល្បែងជល់មាន់ និងអាប៉ោងខុសច្បាប់របស់តាម៉ៅ និងតាជូរ មួយកន្លែង ស្ថិតក្នុងភូមិសាស្រ្តខាងលើនេះ ផងទាន។
សូមរំលឹកថា កាលនៅថ្ងៃទី ១៧ ខែកញ្ញា ឆ្នាំ២០ ២២ សម្តេចតេជោ ហ៊ុនសែន អតីត នាយករដ្ឋមន្ត្រីនៃកម្ពុជា បានដាក់បទបញ្ជាអោយ អភិបាល រាជធានី ខេត្ត ទាំង២៥. ខេត្ត. ក្រុង.ត្រូវតែបង្រ្កាបទីតាំងល្បែងស៊ីសងគ្រប់ប្រភេទ នៅទូទាំងប្រទេសដោយគ្មានការលើកលែង។ សម្ដេចតេជោ ហ៊ុន សែន ក៏បានបញ្ជាក់យ៉ាងដាច់ណាត់ផងទៀតថាបើអាជ្ញាធរនិងសមត្ថកិច្ចក្នុងមូលដ្ឋានស្រុក. ក្រុង.ខេត្ត.ណាមិនអនុវត្តទប់ស្កាត់ និងបង្រ្កាបទីតាំងបទល្បែងស៊ីសង គ្រប់ប្រភេទ នៅ ក្នុងមូលដ្ឋាន របស់ខ្លួនទេ? អាជ្ញាធរនិងសមត្ថកិច្ចមូលដ្ឋានទាំងនោះ? និងមានបញ្ហាប្រឈម និងបាត់បង់ពីតំណែងទៀតផង៕មានត