ខេត្តត្បូងឃ្មុំ ៖ ប្រភពពីប្រជាពលរដ្ឋរស់នៅភូមិជើងអង ឃុំកណ្ដោលជ្រុំបានអោយដឹង ថា ទីតាំងសង្វៀនល្បែងសុីសងជល់មាន់និងអាប៉ោងខុសច្បាប់ ដែលស្ថិតនៅភូមិជើងអង ឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំ ក្រោយពីសមត្ថកិច្ចចុះបង្ក្រាបមិនបានប៉ុន្មានចាប់ដំណើរការបើកអោយក្រុមអ្នកញៀនល្បែងចេញចូលលេងយ៉ាងគគ្រឹកគគ្រេងវិញដដែល រីឯលោក លី សុភាលីន អភិបាលស្រុកពញាក្រែក និង លោកវរសេនីយ៍ឯក ថាញ់ សុខវ៉ាត អធិការនគរបាល ស្រុកពញា ក្រែក រក្សាភាពស្ងៀមស្ងាត់ ។
ប្រភពពីអ្នកញៀនល្បែងបានបន្តអោយដឹង ថា ម្ចាស់ទីតាំងសង្វៀនល្បែងសុីសង ជល់មាន់ និងអាប៉ោងខុសច្បាប់ មួយកន្លែងក្នុងទឹកដីឃុំកណ្តោលជ្រុំ ស្រុកពញាក្រែក កំពុងបើកដំណើរការលេងឡើងវិញយ៉ាងពេញបន្ទុក ពោលគឺក្រោយពីសមត្ថកិច្ច ចុះទៅបង្អើលៗរួចមកក៍បើកលេងវិញរាល់ថ្ងៃតែម្តង រីឯ.អាជ្ញាធរនិងសមត្ថកិច្ចពាក់ព័ន្ធក្នុងមូល ដ្ឋាន ពេលចុះទៅបង្រ្កាបម្តងៗ មិនដែលឃើញចាប់បានម្ចាស់សង្វៀនឬអ្នកលេងនោះទេ ឃើញចាប់បានតែកៅអីចាស់ៗនិងតង់រុះរើដុតកម្ទេចចោលហើយធ្វើរបាយការណ៍ ជូនថ្នាក់លើ។ឬម្ចាស់សង្វៀន មាន់ជល់.អា ប៉ោងនិងអ្នកក្រុមញៀនល្បែងទាំងនោះចេះ វិទមន្តសិល្ប៏បំបាំងកាយទើបអាជ្ញាធរនិងសមត្ថកិច្ចមូលដ្ឋាន មើលមិនឃើញចាប់មិនបានឬក៍ទទួលបានលាភសក្ការៈ និងផល ប្រយោជន៍ ពីម្ចាស់បនល្បែងអស់ហើយទេដឹង? ។
ម្ចាស់ទីតាំងសង្វៀនល្បែងសុីសងជល់មាន់ និងអាប៉ោងខុសច្បាប់ មួយកន្លែងខាងលើ នៅតែបន្តបើកអោយក្រុមអ្នកញៀនល្បែងចេញចូលលេងភ្នាល់ចាក់ដាក់លុយចាញ់ឈ្នះរាប់លានរៀល រាប់ពាន់ដុល្លារ ហើយនាំគ្នាស្រែកហ៊ោ កញ្ជ្រៀវ កងរំពងឮលាន់ពេញភូមិ បង្កភាពអនាធិបតេយ្យ ធ្វើអោយប្រជាពលរដ្ឋរស់នៅក្បែរនោះ មានការព្រួយបារម្ភយ៉ាងខ្លាំង អំពីបញ្ហាអសន្តិសុខ សង្គមនិងភាពភ័យខ្លាចនូវ អំពើចោរកម្ម លួច ឆក់ ប្លន់ និងប្រើអំពើហិង្សាគ្រួសារគ្រឿងញៀន ដើម ចមកើតចេញពីល្បែងសុីសងនេះឯង។ ធ្វើអោយប្រជាពលរដ្ឋមានចម្ងល់ឆ្ងល់ថា តើ ឯណាទៅគោលនយោបាយភូមិ.ឃុំ. សង្កាត់. មានសុវត្តិភាពទាំង៧ចំណុចដែលរាជរដ្ឋាភិ បាលបានដាក់ចេញដោយក្រសួងមហាផ្ទៃ កន្លងមកដាក់អោយថ្នាក់ក្រោមជាតិអនុវត្តនោះ។
ដូច្នេះហើយប្រជាពលរដ្ឋក៏ដូចមហាជនទូទៅសូមសំណូមពរដល់លោក ជាម ច័ន្ទសោ ភ័ណ្ឌ អភិបាលខេត្តត្បូងឃ្មុំ លោកឧត្តមសេនីយ៍ទោ ម៉ុន មាគ៌ា ស្នងការនគរបាលខេត្តត្បូងឃ្មុំ និងលោកឧត្តមសេនីយ៍ឯក រ័ត្ន ចាន់ណា មេបញ្ជាការកងរាជ អាវុធហត្ថខេត្តត្បូងឃ្មុំ មេត្តាចាត់កម្លាំងជំនាញចុះទប់ស្កាត់និងបង្រ្កាបទីតាំងសង្វៀនល្បែងសុីសងជល់មាន់ និងអាប៉ោងខុសច្បាប់ ស្ថិតក្នុងភូមិសា ស្ត្រខាងលើនេះផង ។
សូមរំលឹកថា កាលនៅថ្ងៃទី ១៧ ខែកញ្ញា ឆ្នាំ២០២២ សម្តេចតេជោ ហ៊ុនសែន អតីត នាយករដ្ឋមន្ត្រីនៃកម្ពុជា បានដាក់បទបញ្ជាអោយ អភិបាល រាជធានីខេត្តទាំង២៥.ខេត្ត. ក្រុង.ត្រូវតែបង្រ្កាបទីតាំងបន ល្បែងស៊ីសង គ្រប់ប្រភេទ នៅទូទាំងប្រទេស ដោយគ្មានការ លើកលែង។ សម្ដេចតេជោ ហ៊ុនសែន ក៏បានបញ្ជាក់យ៉ាងដាច់ណាត់ទៀតថា បើ អាជ្ញាធរនិងសមត្ថកិច្ចក្នុងមូលដ្ឋានស្រុក. ក្រុង.ខេត្ត. ណាមិននាំគ្នាអនុវត្តទប់ស្កាត់ និងបង្រ្កាប ទីតាំងល្បែងស៊ី សង គ្រប់ប្រភេទ នៅក្នុងមូលដ្ឋានរបស់ខ្លួនទេ?អាជ្ញាធរនិងសមត្ថកិច្ចមូលដ្ឋានទាំង នោះ? និងមានបញ្ហាប្រឈម និងបាត់បង់ពីតំណែងទៀត ផង៕មានត