ខេត្តក្រចេះ ៖ ប្រភពពីម្ចាស់រថយន្ត ដឹកទំនិញឆ្លងកាត់ស្ថានីយ៍ជញ្ជីងថ្លឹងរថយន្ត “មានជ័យ” ផ្លូវជាតិលេខ៧ ស្រុកស្នួល ខេត្តក្រចេះ បានអោយដឹងថា លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មាន ជ័យ” ផ្លូវជាតិលេខ៧ស្រុកស្នួល ខេត្តក្រចេះ កំពុងប្រែក្លាយទៅជាជញ្ជីងថ្លឹងលុយទាំងយប់ថ្ងៃហើយដោយ មានការបើកដៃពីប្រធានមន្ទីរសាធារណការនិងដឹកជញ្ជូន ខេត្តក្រចេះផងដែរ។ ហេតុនេះសូមលោក ប៉េង ពោធិ៍នា រដ្ឋមន្រ្តីក្រសួងសាធារណការនិងដឹកជញ្ជូន នីតិកាលទី៧និងលោក សេង ឈួន មេជញ្ជីងថ្លឹងរថយន្តទូទាំងប្រទេស មេត្តាពិនិត្យលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ” ផ្លូវជាតិលេខ៧ស្រុកស្នួល ខេត្តក្រចេះ ដែលកំពុងប្រែក្លាយជាស្ថានីយ៍ជញ្ជីងថ្លឹងលុយដែលប្រព្រឹត្តរបៀបអំពើពុករលួយតាមអំពើ ចិត្ត។ ដូច្នេះលោក ប៉េង ពោធិ៍នា រដ្ឋមន្រ្តីក្រសួងសាធារណ ការនិងដឹកជញ្ជូន មិនគួរបណ្តោយអោយលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ”ស្រុកស្នួល ខេត្តក្រចេះ តទៅទៀតនោះទេ។
ប្រភពមន្ត្រីនៃមន្ទីរសាធារណ ការខេត្តក្រចេះបានខ្សឹបខ្សៀវថា លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ” ស្រុកស្នួល ហ៊ានធ្វើអ្វីៗតាមអំពើចិត្តទៅបានគឺដោយសារមានការបើក ដៃពីសំណាក់លោក សាំង ប៊ុនថេនប្រធានមន្ទីរសាធារណការនឹងដឹកជញ្ជូនខេត្តក្រចេះ ជាអ្នកបើកភ្លើងខៀវ ។ដែលបញ្ហានេះលោក ប៉េង ពោធិ៍នា រដ្ឋមន្ត្រីក្រសួងសាធារណការនិងដឹក ជញ្ជូន នីតិកាលទី៧ ពិនិត្យ មើលក្រុមមន្ត្រីស្ថានីយ៍ជញ្ជីងថ្លឹងរថយន្តស្រុកស្នួលផងទាន!ព្រោះលោក នូ សុវណ្ណា ប្រធានស្ថានីយ៍ ជញ្ជីងថ្លឹងរថយន្ត”មាន ជ័យ” ស្រុកស្នួលនិងលោក សាំង ប៊ុនថេន ប្រធានមន្ទីរសាធារណការ ខេត្តក្រ ចេះ មិនខ្វល់ពីមហាជនរិះគន់នោះទេ។
បើយោងតាមប្រភពពីក្រុមឈ្មួញនិងអាជីវករដឹកជញ្ជូនកសិផលនិងដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្ត “មានជ័យ” ផ្លូវជាតិលេខ ៧ ស្រុកស្នួល ខេត្តក្រចេះ បានបន្តអោយដឹងថា បើទោះបីពួកគាត់ផ្ទុក លើសទម្ងន់មិនលើសទម្ងន់ត្រូវបង់ លុយតាមការកំណត់របស់លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ”ស្រុកស្នួលមិនអាចតវ៉ាបានឡើយ។
ប្រភពដដែលបន្ថែមអោយដឹងទៀតថា លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្ត “មានជ័យ “ផ្លូវជាតិលេខ៧ស្រុកស្នួល ខេត្តក្រ ចេះឃុបឃិតអោយឈ្មួញធំៗផ្ទុក លើសទម្ងន់បើក បរឆ្លងកាត់មុខស្ថានីយ៍ដោយមិនបាច់ចូលថ្លឹង អោយតែឈ្មួញទាំងនោះបង់លុយតាមការកំណត់របស់លោក នូ សុវណ្ណា ជាការស្រេច ។
ពាក់ព័ន្ធព័ត៌មានខាងលើគេហទំព័រ (www.enn- tv.com)យើងខ្ញុំរងចាំនូវការពន្យល់បកស្រាយពីលោក សាំង ប៊ុនថេន ប្រធានមន្ទីរសាធារណការនិងដឹកជញ្ជូនខេត្តក្រចេះនិងលោក នូ សុវណ្ណា ប្រធានស្ថានីយ៍ ជញ្ជីងថ្លឹងរថយន្ត”មាន ជ័យ”ផ្លូវជាតិលេខ៧ស្រុកស្នួល ខេត្តក្រចេះ រាល់ម៉ោងធ្វើការ៕មានត
