ខេត្តរតនគិរី ៖ ក្នុងឱកាសចូលរួមអបអរសាទរពិធីបុណ្យចូលឆ្នាំប្រពៃណីជាតិខ្មែរ ឆ្នាំមមែ ព.ស ២៥៥៩ គ.ស ២០១៥ ដែលនិងឈានចូលមកដល់នាពេលដ៏ខ្លីខាងមុខនេះ នៅព្រឹកថ្ងៃទី០៩ ខែមេសា ឆ្នាំ២០១៥ឯកឧត្តមនាយឧត្តមសេនីយ៍ម៉ៅ ប៊ុនណារិន អគ្គស្នងការរងនគរបាលជាតិបានចុះសួរសុខទុក្ខនិងនាំយកថវិការគ្រឿងឧបភោគបរិភោគរបស់ឯកឧត្តមឧបនាយករដ្ឋមន្ត្រីស ខេង រដ្ឋមន្ត្រីក្រសួងមហាផ្ទៃនិងលោកជំទាវជូនដល់កម្លាំងនគរបាលវរៈការពារដែនគោកលេខ៦២៣ ស្ថិតនៅភូមិភិ ឃុំប៉ក់ញៃ ស្រុកអូរយ៉ាដាវខេត្តរតនគីរី ។
មានប្រសាសន៍សំណេះសំណាលជាមួយកងកម្លាំងនគរបាលនាយឱកាសនេះ ឯកឧត្តមនាយឧត្តមសេនីយ៍ ម៉ៅ ប៊ុនណាងរិទ្ធ បានពាំនាំការសួរសុខទុក្ខនិងការនឹករលឹកពីសំណាក់សម្តេចទាំង ៣ ព្រមទាំងឯកឧត្តមឧបនាយករដ្ឋមន្ត្រី ដល់កងកម្លាំងនគរបាលការពារព្រំដែនគោកលេខ ៦២៣ ត្រូវមានការសាមគ្គីភាពផ្ទៃក្នុង អោយបានល្អនិងត្រូវបន្តធ្វើកិច្ចសហប្រតិបត្តិការ ជាមួយកងកម្លាំងការពារព្រំដែន ប្រទេសជិតខាង ទប់ស្កាត់បង្ក្រាបរាល់បទល្មើសតាមបណ្តោយព្រំដែន ធ្វើយ៉ាងណាប្រែក្លាយព្រំដែនអោយទៅជាព្រំដែនសន្តិភាពសហប្រតិបត្តិការនិងការអភិវឌ្ឍន៍។
ក្នុងឱកាសនេះ ឯកឧត្តម ម៉ៅ ប៊ុណារិទ្ធ បានផ្តល់អំណោយឯកឧត្តមឧបនាយករដ្ឋមន្ត្រី ស ខេង ជូនដល់វរៈចំនួន៥វរៈក្នុងនៅខេត្តរតនគិរីមាន២វរៈ ខេត្តស្ទឹងត្រែងមាន១វរៈនិងខេត្តមណ្ឌលគីរីមាន២វរៈ ក្នុងមួយវរៈទទួលបានអង្គ ៣ តោន មី៤០កេស ត្រីខ ៤០កេស ទឹកសុទ្ធ៥០កេស ស្រាបៀរ៣០កេស និងឆៃពៅ៥០គីឡូក្រាម ជូនកងកម្លាំងនគរបាលទាំង៥វរៈក្នុងមួយនាក់ៗ៤ម៉ឺនរៀល និងជួយឧបត្តមបាយសាគ្គីម្នាក់ៗ៤ម៉ឺនរៀលទៀតផងដែរ ៕
គឹម នឿន
