ភ្នំពេញ ៖ ទីតាំងល្បែងស៊ីសងខុសច្បាប់ គ្រប់ប្រភេទ តាមប្រព័ន្ធអនឡាញ មាន់ជល់. អាប៉េាង.ភ្នាល់បាល់.ឡូតូ.នៅតាមបណ្តោយផ្លូវលេខ៤៧៤ស្ថិតនៅក្នុងសង្កាត់បឹងត្របែក ខណ្ឌចំការមន រាជធានីភ្នំពេញ សំបូរទៅដោយល្បែងសុីសងបើកអោយក្រុមអ្នក ញៀនល្បែងចូលលេងយ៉ាងអនាធិបតេយ្យនៅជាប់ភ្នែកអាវុធហត្ថខណ្ឌចំការមននិងសមត្ថកិច្ចខណ្ឌចំការមនតែហាក់មើលមិនឃើញ?ប្រហែលត្រូវដងត្រូវផ្លែគ្នាហើយទេដឹង?បាននាំគ្នាសម្ងំដេកលក់ស្ងាត់ឈឹង មិនអើពើបង្រ្កាបសោះ។ ប្រភពខ្លះថា មានកងកម្លាំងអាវុធហត្ថ. សមត្ថកិច្ចនិងមន្រ្តីគ្រាប់ល្ពៅស្ងោក្នុងខណ្ឌចំការមនមួយ ចំនួនតូចប្រព្រឹត្តអំពើពុករលួយថែមទាំងជួយមើល ការខុសត្រូវអោយម្ចាស់បនល្បែងខុសច្បាប់ដើម្បីប្រយោជន៍ទៀតផង។
ប្រភពពីប្រជាពលរដ្ឋបានអោយដឹងថាទីតាំងល្បែងស៊ីសងខុសច្បាប់ខាងលើបើកលេង ២៤ម៉ោងលើ២៤ម៉ោង ប្រហែលម្ចាស់ទីតាំងល្បែងនេះត្រូវរ៉ូវគ្នាជាប្រព័ន្ធជាមួយអាជ្ញាធរនិងសមត្ថកិច្ចពាក់ព័ន្ឋក្នុងមូលដ្ឋាន ខណ្ឌចំការមន រួចរាល់អស់ ហើយទេដឹង? ទើបបានហ៊ានបើកអោយក្រុមអ្នកញៀនល្បែងទាំងនោះនាំគ្នាសម្រុកចេញចូលលេងដោយ សេរីហាក់ដូចមិនខ្លាចញញើតពីច្បាប់ទាល់ តែសោះ ។ ប្រជាពលរដ្ឋរស់នៅក្នុងមូលដ្ឋានខាងលើ រាល់ថ្ងៃនេះមានការព្រួយបារម្ភភ័យខ្លាចបញ្ហាអសន្តិសុខសង្គមនិងអំពើចោរកម្ម ចោរលួច.ចោរឆក់. ចោរប្លន់. ចោរគាស់ផ្ទះ. គ្រឿងញៀននិងប្រើអំពើហិង្សាគ្រួសារដើម ចមកើតចេញពីល្បែងសុីសងខុសច្បាប់នេះ ឯង។
គួររំលឹកដែរថា កាលនៅថ្ងៃទី ១៧ ខែកញ្ញា ឆ្នាំ២០២២.នេះ សម្តេចតេជោ ហ៊ុន សែន អតីត នាយករដ្ឋមន្ត្រីនៃកម្ពុជា បានដាក់បទបញ្ជាអោយ អភិបាល រាជធានី.ខេត្តទាំង. ២៥.ខេត្ត. ក្រុង.ត្រូវ បង្រ្កាប បនល្បែងសុី សងខុសច្បាប់ គ្រប់ប្រភេទ ទូទាំងប្រទេស បើសិនអាជ្ញាធរនិងសមត្ថកិច្ចក្នុងមូលដ្ឋាន ស្រុក. ក្រុង.ខេត្ត.ណាមិនបង្រ្កាប បនល្បែងស៊ីសងខុសច្បាប់ នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចមូលដ្ឋាននោះប្រឈម និងបាត់បង់ពីតំណែងទៀតផង ។ ដោយឡែកសមត្ថកិច្ចនិងអាជ្ញាធរ ខណ្ឌចំការមន មិនព្រមអនុវត្តតាមបទបញ្ជាសម្ដេចតេជោ ហ៊ុន សែន ឡើយ បែជាបណ្តោយអោយទីតាំងល្បែងស៊ីសងខុសច្បាប់នៅផ្លូវលេខ ៤៧៤ សង្កាត់បឹងត្របែក ខណ្ឌចំការមន បើកដំណើរការល្បែងសុីសងអោយក្រុមញៀនល្បែងចេញចូលលេងយ៉ាងអនាធិបតេយ្យ រាល់ ថ្ងៃដដែលមិនធ្វើការបង្រ្កាបទាល់តែសោះ! នេះសបញ្ជាក់ថា ផ្គើនបទបញ្ជារបស់សម្តេចតេជោ ហ៊ុន សែន .!
ដូច្នេះប្រជាពលរដ្ឋរស់នៅក្នុងមូលដ្ឋានក្បែរទីតាំងល្បែងខាងលើ សូមអំពាវនាវទៅដល់ លោក ឃួង ស្រេង អភិបាលរាជធានីភ្នំពេញនិង លោក ជួន ណារិន្ទ អគ្គស្នងការរងនគរ បាលជាតិនិងជាស្នងការនគរបាលរាជធានីភ្នំពេញ នីតិកាលទី៧ មេត្តាចាត់មន្រ្តីក្រោមឱវាទចុះត្រួតពិនិត្យនិងបង្រ្កាបល្បែងសុីសងខុសច្បាប់ គ្រប់ប្រភេទ តាមប្រព័ន្ធអនឡាញ ដែលមាន៖”ក្លឹបបាល់ទះ ០៩.”.នៅ “ទល់មុខក្លិបបាលទះ០៩.”នៅ”ទល់មុខការ៉ាស់សាំងPtt” និង”នៅក្នុងហាងកាហ្វេអតីតម្លប់ជ្រៃ.” បណ្តោយផ្លូវលេខ៤៧៤ សង្កាត់បឹងត្របែក ខណ្ឌចំការមន រាជធានីភ្នំពេញ អោយមានប្រសិទ្ធភាពស្របតាមគោលនយោបាយ ភូមិឃុំ សង្កាត់ មានសុវត្ថិភាពទាំង៧ ចំណុចដែលរាជរដ្ឋាភិបាលដាក់ចេញដោយក្រសួងមហាផ្ទៃ៕មានត