ខេត្តរតនគិរី ៖ ឃាតករសម្លាប់ក្មេងប្រុសយ៉ាងឃោឃៅយកក្រម៉ាចងរឹតករនិងចងជើង ស្កត់បិទមាត់យកខ្សែចងប្រដាប់ភេទ ។ ហេតុការណ៍នេះបានកើតឡើង ធ្វើអោយមានការភ្ញាក់ផ្អើលនៅម៉ោង៥និង៤០នាទីល្ងាច ថ្ងៃទី០៨ ខែមេសា ឆ្នាំ២០១៥ ស្ថិតនៅភូមិថារ៉ងជង ឃុំអូរជុំ ស្រុកអូរជុំ ។
ទាក់ទិនទៅនិងករណីខាងលើត្រូវបានសមត្ថកិច្ចអោយដឹងថា ក្មេងប្រុសរងគ្រោះមានឈ្មោះ ឆាយ ជុងគីម អាយុ១៣ឆ្នាំ ជាសិស្សសាលា ដែលមានឪពុកឈ្មោះឆ ថាយ អាយុ៤៧ឆ្នាំ ម្តាយឈ្មោះហ៊ុយ ស៊ាង អាយុ៤៥ឆ្នាំ ឪពុកម្តាយក្មេងមានស្រុកកំណើតនៅភូមិបរខ្នោ ឃុំបរខ្នោ ស្រុកចំការលើ ខេត្តកំពុងចាម។
ឪពុកម្តាយក្មេងរបង្គ្រោះបានរៀបរាប់ប្រាប់សមត្ថកិច្ចថាគាត់មានកូន៣នាក់ ប្រុស២ ស្រី១ កូនរងគ្រោះជាកូនពៅគេ ហើយនៅមុនពេលកើតហេតុគាត់និងប្តីប្រពន្ធបានមកលេងផ្ទះមិត្តភ័ក្ត្រនៅទីក្រុងបានលុង កូន២នាក់ទៀតទៅរៀន ម្នាក់ទៀតទៅធ្វើការនៅធនាគារអេស៊ីលីដា ដោយទុកកូនប្រុសរងគ្រោះនៅចាំផ្ទះម្នាក់ឯង ដល់ម៉ោងកើតហេតុនឹងកូនស្រីច្បងឈ្មោះថាហ្គេក សួង ចេញពីកន្លែងទៅដល់ផ្ទះស្រាប់តែឃើញប្អូនប្រុសរបស់ខ្លួនបានស្លាប់នៅក្នុងបន្ទប់ម្តាយដេក ដោយស្ថានភាពឃាតករបានយកក្រម៉ាចងកជនិងយកស្កត់បិទមាត់ និងយកក្រម៉ាចងជើងទាំង២ជាប់គ្នា និងយកខ្សែរឹតប្រដាប់ភេទក្មេងប្រុសនឹង។ ក្រោយពីការភ្ញាក់ផ្អើលក្រុមគ្រួសាររងគ្រោះមិនបានហៅសមត្ថកិច្ចមកត្រួតពិនិត្យសាកសពនោះទេ ក៏បានប្រញាប់ប្រញាលយកក្មេងរងគ្រោះទៅមន្ទីរពេទ្យខ្លួនឯង ហើយមន្ត្រីមន្ទីរពេទ្យបង្អែកខេត្តបានប្រាប់ថាក្មេងប្រុសបានស្លាប់ទៅហើយ ហើយក្រុមគ្រួសារយកមកផ្ទះវិញ ក្រោយសមត្ថកិច្ចបានទៅធ្វើកោសល្យវិច្ច័យនៅលំនៅដ្ឋានរបស់ជនរងគ្រោះនៅម៉ោង៧និង៣០នាទីយប់ ។
សមត្ថកិច្ចដែលបានចូលរួមធ្វើកោសល្យវិច្ច័យនោះរួមមាន មានកម្លាំងប៉េអឹមខេត្ត កម្លាំងប៉ូលិសស្នងការខេត្ត ការិយាល័យបច្ចេកទេសនិងវិទ្យាសាស្ត្រាខេត្ត បានអោយដឹងថា រឿងនេះជារឿងឃាតកម្ម ដោយសមត្ថកិច្ចត្រួតពិនិត្យលើសាកសពច្របាច់កហើយបានយកខ្សែចងរឹតក ហើយចងជើងទាំង២ជាប់គ្នានិងយកស្កត់បិទមាត់ យកខ្សែចងប្រដាប់ភេទ ទាក់ទិននិងករណីនេះសមត្ថកិច្ចដាក់ការសង្ស័យជារឿងឃាតកម្មគិតទុកជាមុន សមត្ថកិច្ចកំពុងដាក់ការសង្ស័យជារឿងគំនំក្រុមគ្រួសារ ព្រោះទ្រព្យសម្បត្តិនៅក្នុងផ្ទះមិនបានបាត់ទាំងអ្វីអស់។ ក្រោយពីសមត្ថកិច្ចធ្វើកោសល្យវិច្ឆ័យហើយក៏បានប្រគល់សាកសពទៅឲ្យឪពុកម្តាយក្មេងរងគ្រោះទៅធ្វើបុណ្យតាមប្រពៃណីនៅឯស្រុកកំណើតនៅខេត្តកំពង់ចាម ៕
គឹម នឿន