ភ្នំពេញ: លោកខៀវ កាញារីទ្ធ រដ្ឋមន្ត្រីក្រសួងព័ត៌មាន រួមនឹងសហការី រួមនឹងបណ្តាអង្គភាព ស្ថាប័ន ក្រសួង មន្ទីរ ជាច្រើន បានអញ្ជើញមកចូលរួម និងដាក់កម្រងផ្ការំលែកទុក្ខយ៉ាងក្រៀមក្រំ ចំពោះសពលោកប៉ែន សមិទ្ធិ កាលពីព្រឹកថ្ងៃទី៣០ ខែមីនា ឆ្នាំ២០១៥នេះ។
ជាមួយនឹងពិធីបុណ្យសពលោកប៉ែន សមិទ្ធិ នៅគេហដ្ឋានរបស់លោក នាព្រឹកថ្ងៃទី៣១ ខែមីនានេះ ភ្ញៀវជាច្រើនស្ថាប័ន បានអញ្ជើមមកគោរពវិញ្ញាណក្ខន្ធ លោក ប៉ែន សមិទ្ធិ ផងដែរ ដូចជា តំណាងសម្តេចតេជោហ៊ុនសែន នាយករដ្ឋមន្ត្រីកម្ពុជា មូលនិធិខុនរ៉ាដអាដិនណៅអ៊ែរ ក្លឹបអ្នកកាសែត អង្គការតម្លាភាពកម្ពុជា តំណាងលោកសាយ ឈុំ អនុប្រធានទី១ព្រឹទ្ធសភា លោកម៉ម ឡងយ៉ានី នាយកខុទ្ធកាល័យ ស្ថានទូតវៀតណាម មន្ត្រីរាជការក្រសួងអភិវឌ្ឍន៍ជនបទ ស្ថានីយ៍ទូរទស្សន៍បាយ័ន ស្ថានីយ៍ទូរទស្សន៍អប្សរា គណៈគ្រប់គ្រងសណ្ឋាគារសាន់វេ និងស្ថាប័ន អង្គភាព ជាច្រើនទៀតផងដែរ៕