កំពង់ឆ្នាំង៖ មន្ត្រីមួយចំនួននៅមន្ទីរទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចខេត្តកំពង់ឆ្នាំង បានធ្វើការរិះគន់ប្រធានមន្ទីររបស់ខ្លួនគឺលោក សោម សុជាតា ថាបានប្រព្រឹត្តអំពើពុករលួយតាមរយៈការបំប៉ោងតម្លៃខុសប្រក្រតីក្នុងការជួលផ្ទះធ្វើជាទីស្នាក់ការរបស់មន្ទីរអស់រយៈពេលជាច្រើនឆ្នាំមកនេះ។
តាមប្រភពបានឲ្យដឹងថា មន្ទីរទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចខេត្តកំពង់ឆ្នាំង ចាប់តាំងពីបានបង្កើតមកគឺបានចំណាយថវិកាក្នុងការជួលផ្ទះនៅក្នុងក្រុងកំពង់ឆ្នាំង ធ្វើជាទីស្នាក់ការមន្ទីរ ដោយក្នុងមួយឆ្នាំៗបានចំណាយថវិកាមិនតិចជាង៤០លាររៀលនោះទេ។ ហើយបើក្រឡេកមកមើលផ្ទះដែលគេជួលធ្វើទីស្នាក់ការមន្ទីរ និងផ្ទះដែលគេជួលសម្រាប់រកស៊ីនិងស្នាក់នៅ ដែលមានទីតាំងក្បែរគ្នានោះគឺឃើញថា មានតម្លៃលើសគ្នាមិនតិចជាង៣ដងនៃតម្លៃដែលគេជួលក្បែរនោះ ដោយផ្ទះដែលគេជួលក្បែរនោះគឺក្នុងមួយឆ្នាំគេចំណាយថវិកាអស់ត្រឹមតែ១២លានរៀល ប៉ុន្តែសម្រាប់ផ្ទះដែលគេ ជួលធ្វើទីស្នាក់ការមន្ទីរដែលមានទីតាំងមិនសូវល្អ ផ្ទះមិនសូវស្អាតផង បែរជាគេជួលអស់ទឹកក្នុងមួយឆ្នាំ អស់ទឹកប្រាក់ខ្ទង់៤០លានរៀលទៅវិញ។
មន្ត្រីដដែលបានឲ្យដឹងថាបញ្ហាដែលជួលទីតាំងមន្ទីរមានតម្លៃខ្ពស់នេះគឺមិនមែនដោយសារតែម្ចាស់ផ្ទះនោះគេយកថ្លៃខ្ពស់នោះទេគឺដោយសារតែមានការឃុបឃិតគ្នាជាមួយលោកប្រធានមន្ទីរនិងមន្ត្រីពាក់ព័ន្ធដោយដាក់តម្លៃនៃការជួលផ្ទះខាងលើឲ្យខ្ពស់ ដើម្បីបានផលប្រយោជន៍ដល់ពួកគេ បើតម្លៃជាក់ស្តែងគឺមិនខុសគ្នានិងតម្លៃដែល គេជួលនៅក្បែរគ្នានោះទេ បញ្ហានេះគឺជាអំពើពុករលួយយ៉ាងច្បាស់ក្រឡែតដែលគប្បីក្រសួងស្ថាប័នថ្នាក់ជាតិ រួមនិងរដ្ឋបាលខេត្តកំពង់ឆ្នាំងគួរពិនិត្យមើលករណីនេះឡើងវិញ។
តាមមន្ត្រីដដែលបានបញ្ជាក់ថា ភាពមិនប្រក្រតីពាក់ព័ន្ធនិងការចំណាយថវិកាជាតិរបស់មន្ទីរនាពេលកន្លង មកគឺមានយ៉ាងច្រើន ទោះបីមន្ទីរមួយនេះមានខ្ទង់ថវិកាសម្រាប់ចំណាយក្នុងមួយឆ្នាំៗមានទឹកប្រាក់មិនដល់៣០០ លានរៀលផងនោះ។ ហើយថវិកាដែលគេកិបកេងបាននោះភាគច្រើននៅក្នុងជំពូក៦០ដែលឆ្នាំ២០១៤គេចំណាយអស់ខ្ទង់៦០លានរៀល ក្នុងនោះយ៉ាងតិច១៥លានរៀលត្រូវបានគេកិបកេងរួមនិងប្រេងឥន្ទៈមួយចំនួន។ ការចំណាយថវិកាជំពូក៦១ ក្នុង ឆ្នាំ២០១៤នោះដែរអស់ទឹកប្រាក់ជាង៤០លានរៀលក្នុងនោះ ថវិកាស្ទើរទាំងស្រុងគឺចំណាយទៅលើការជួល ទីតាំងមន្ទីរខ្ទង់៤០លានរៀល ការជួសជុលឧបករណ៍សំភារៈការិយាល័យខ្ទង់៣លានរៀលនិងការចំណាយតិច តូចមួយចំនួនទៀត ប៉ុន្តែសម្រាប់ការចំណាយថវិកានៅក្នុងជំពូក៦១នេះគឺឃើញថាមានភាពមិនប្រក្រតីយ៉ាងច្រើន នៅក្នុងការជួលទីតាំងមន្ទីរ។
ការចំណាយថវិកានៅក្នុងជំពូក៦២គឺអស់ទឹកប្រាក់ខ្ទង់៣០លានរៀល ប៉ុន្តែការ ចំណាយទាំងនេះគឺមានបញ្ហាការបំប៉ោងតួលេខចំនួនបេសកកម្ម ដែលធ្វើឲ្យប្រាក់មួយចំនួនបានជាផល ចំណេញដល់លោកប្រធានមន្ទីរ សោម សុជាតា និងបក្ខពួក។ សម្រាប់ការចំណាយលើជំពួក៦៤ ក្នុង ឆ្នាំ២០១៤នេះដែរគឺគេចំណាយអស់ជិត១០០លានរៀល ហើយក្នុងនោះឃើញថាមានបញ្ហាមួយចំនួនដូចជា ការបំប៉ោង ឈ្មោះបុគ្គលិកមិនមែនក្រប់ខណ្ឌខ្មោចដែលធ្វើឲ្យខាត់ថវិកាជិត១០លានរៀល។
ក្រៅពីអំពើពុករលួយកឹបកេងថវិកាជាតិរបស់មន្ទីរគឺលោកប្រធានមន្ទីរ សោម សុជាតា បានប្រព្រឹត្តនៅ សកម្មភាពមិនប្រក្រតីមួយចំនួនទៀត នាពេលកន្លងមកក្នុងពេលដែលរូបគាត់និងក្រុមការងារចុះធ្វើអធិការកិច្ច នៅតាមបណ្តាមន្ទីរផ្សេងៗក្នុងខេត្ត ហើយក៏ធ្វើឲ្យរូបគាត់ទទួលបានផលប្រយោជន៍យ៉ាងច្រើនពីការងារនេះ។
ឆ្លើយតមនិងព័ត៌មានខាងលើលោកប្រធានមន្ទីរ សោម សុជាតា បានអះអាងថារូបគាត់មិនបានប្រព្រឹត្ត ដូចការរិះគន់នោះទេ។ ហើយទាក់ទងបញ្ហាជួលផ្ទះធ្វើទីស្នាក់ការមន្ទីរមានតម្លៃខ្ពស់នោះ គឺជារឿងរបស់លទ្ធកម្មខេត្ត ដោយលោកពន្យល់ថាការជួលផ្ទះនេះគឺធ្វើឡើងដោយលទ្ធកម្ម។ ហើយអ្នកដែលផ្គត់ផ្គង់ផ្ទះសម្រាប់ធ្វើទីស្នាក់ការគឺគេចំណាយប្រាក់គ្រាន់តែទិញពាក្យពីលទ្ធកម្មដើម្បីផ្គត់ផ្គង់ផ្ទះនេះអស់៣០០ដុល្លាទៅហើយក្នុងមួយឆ្នាំនិងការដែលគេត្រូវចំណេញមួយចំនួនទៀតដូច្នោះត្រូវតែមានតម្លៃខ្ពស់បែបនេះ។
ទាក់ទងព័ត៌មាននិងលទ្ធកម្មនេះ លោក អ៊ុន សំអុល អភិបាលរងខេត្តកំពង់ឆ្នាំង ទទួល បន្ទុកលទ្ធកម្មបានថ្លែងឲ្យដឹងថា ចំពោះដំណឹងដែលថាគ្រាន់តែទិញពាក្យមួយច្បាប់ពីលទ្ធកម្មមានតម្លៃរហូតដល់ ៣០០ដុល្លានោះគឺលោកមិនដឹងទេ ប៉ុន្តែកន្លងមកលោកតែងតែណែនាំឲ្យមន្ត្រីកាន់ការងារនេះប្រព្រឹត្ត អោយបានត្រឹមត្រូវ។ ហើយចំពោះរឿងតម្លៃនៃការជួលផ្ទះមានតម្លៃថ្លៃគឺជារឿងរបស់មន្ទីររបស់គាត់ផ្ទាល់ ដែលជា អ្នកធានានៅការចំណាយទូទាត់និងជាម្ចាស់គំរោងនោះព្រោះអ្វីៗគេជាផ្តើមធ្វើឡើង៕ សារពត័មានយើងមិនអាចសូមការទំនាក់នង់លោកប្រធានមន្ទីរបានន៉ទេ ៕
