ខេត្តកណ្តាល៖ មហាជនក៍ដូចប្រជាពលរដ្ឋទូទាំងប្រទេស ធ្លាប់បានដឹងហើយថា គោល ការណ៍(កាស៊ីណូ)នីមួយៗនៅប្រទេសកម្ពុជា គេមិនអនុញ្ញាតពលរដ្ឋខ្មែរចូលលេងល្បែងស៊ីសងនោះទេ? ក្នុងនោះបើមានពលរដ្ឋខ្មែរ សុំចូលបំរើការងារ ឬសុំច្បាប់អាជីវកម្មបើក (កាស៊ីណូ)ជារឿងត្រឹមត្រូវ ! ប៉ុន្តែបើបើកឲ្យពលរដ្ឋខ្មែរចូលលេងល្បែងស៊ីសងនៅក្នុង កាស៊ីណូជារឿងមិនត្រឹមត្រូវឡើយ។ដោយ ឡែកមកមើលម្ចាស់ “កាស៊ីណូ កាឡាក់សុី ជ្រៃធំ Galaxy” មួយកន្លែងនេះនៅតាមផ្លូវលេខ២១ ស្ថិតនៅភូមិជ្រៃធំ សង្កាត់សំពៅពូន ក្រុងសំពៅពូន ខេត្តកណ្តាល ឯណោះវិញបានបើកដៃអោយមេការគៀង គរពលរដ្ឋខ្មែរមកគ្រប់.ខេត្ត.ក្រុង.មកចូលលេងល្បែងសុីសងខុសច្បាប់ គ្រប់ប្រភេទ ដោយសេរីយ៉ាងពេញបន្ទុក រីឯ.អាជ្ញាធរនិងសមត្ថកិច្ចមូលដ្ឋាន រក្សាភពស្ងៀមស្ងាត់ ជាថ្នូរមិនបង្រ្ក្កាប។
ប្រភពបានអោយដឹងថា “កាស៊ីណូកាឡាក់ សុីជ្រៃធំ Galaxy”នៅតែបន្តបើកអោយពលរដ្ឋខ្មែរលេងល្បែងសុីសងតាមអំពើចិត្តដូចជា៖ជល់មាន់ បៀរ អាប៉ោង យូគី និងល្បែងខុសច្បាប់ជាច្រើនប្រភេទ ទៀតយ៉ាងអនាធិបតេយ្យ ចាញ់ឈ្នះរាប់ពាន់រាប់ម៉ឺនដុល្លារក្នុងមួយថ្ងៃៗស្រែហ៊ោកញ្រ្ចៀវកងរំពង រីឯអាជ្ញាធរនិងសមត្ថកិច្ចមូលដ្ឋាន រក្សាភាពស្ងៀមស្ងាត់ មិនហ៊ានធ្វើ ការបង្ក្រាបនោះទេ? គេដាក់ការសង្ស័យថា អាជ្ញាធរនិងសមត្ថកិច្ចនៅក្នុងមូលដ្ឋានទទួលបានលាភសក្ការៈផលប្រយោជន៍ ហើយទេដឹង ? ទើបបណ្តោយអោយម្ចាស់”កាសុីណូកាឡាក់សុីជ្រៃធំ Gal axy”បើកអោយពលរដ្ឋខ្មែរចូលលេងល្បែងស៊ី សងមិនញញើតច្បាប់អនុញ្ញាត ។
ប្រភពដដែលបានបន្តថា បនល្បែងសុីសងខុសច្បាប់ ជា ច្រើនប្រភេទ នៅក្នុង”កាស៊ីណូ កាឡាក់សុី ជ្រៃធំGalaxy”មួយកន្លែងស្ថិតនៅក្នុងភូមិសាស្រ្ត សង្កាត់សំពៅពូន ក្រុងសំពៅពូន ខេត្តកណ្តាល អាជ្ញាធរនិងសមត្ថកិច្ចពាក់ព័ន្ឋក្នុងមូលដ្ឋានមិនហ៊ានបង្រ្កាប។នេះសបញ្ជាក់ឃើញថាកំពុងផ្ទុយពីគោលនយោបាយ ភូមិ ឃុំ សង្កាត់ មានសុវត្ថិភាព ទាំង ៧ចំណុច របស់រាជរដ្ឋាភិបាល ដែលបានដាក់ចេញដោយក្រសួងផ្ទៃ ដើម្បីការពារសុខសុវត្ថិភាពជូនប្រជាពលរដ្ឋ ។
ប្រជាពលរដ្ឋរស់នៅមូលដ្ឋានបានបន្ថែមទៀតថា “កាស៊ីណូកាឡាក់សុីជ្រៃធំ Gal axy” ជាដើមចម ដែលធ្វើឲ្យពួកគាត់ មានការព្រួយបារម្ភជាខ្លាំង បញ្ហាអសន្តិសុខសង្កម ខ្លាចកើតមាននូវ អំពើចោរកម្ម លួច ឆក់ ប្លន់ គាស់ផ្ទះ ប្រើអំពើហិង្សា ក្នុងគ្រួសារ គ្រឿងញៀនជាដើមចមកើតចេញពីល្បែងសុី សងនេះឯង។
ដូច្នេះប្រជាពលរដ្ឋសូមអំពាវនាវយ៉ាងទទូចទៅដល់ថ្នាក់ដឹកនាំគ្រប់ជាន់ថ្នាក់ ក្រសួង មហាផ្ទៃ នាយឧត្តមសេនីយ៍ ស ថេត អគ្គស្នងការនគរបាលជាតិ នឹងលោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ មេត្តាដាក់មន្ត្រីក្រោមឱវាទចុះពិនិត្យទីតាំងខាងលើនេះផងជាពិសេស លោក គង់ សោភ័ណ្ឌ អភិបាលខេត្តកណ្តាលនិងលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល មេត្តាជួយចាត់វិធាន ការតាមផ្លូវច្បាប់ ចំពោះ ទីតាំង “កាសុីណូ កាឡាក់សុីជ្រៃធំ Galaxy”មួយកន្លែងនៅតាមផ្លូវលេខ២១ ស្ថិតនៅភូមិជ្រៃធំ សង្កាត់សំពៅពូន ក្រុងសំពៅពូន នេះផង ស្របតាមគោលនយោបាយភូមិឃុំសង្កាត់មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ។
សូមរំលឹកថា កាលនៅថ្ងៃទី ១៧ ខែកញ្ញា ឆ្នាំ២០២២ បានកន្លងផុតទៅ សម្តេចតេជោ ហ៊ុន សែន អតីតនាយករដ្ឋមន្រ្តី នៃកម្ពុជា បានចេញបទបញ្ជាឲ្យលោក អភិបាលរាជធានី ទាំង២៥ ខេត្ត ក្រុង ត្រូវតែបង្រ្កាប!ទីតាំងបនល្បែងស៊ីសងខុសច្បាប់ គ្រប់ប្រភេទ នូវទូទាំងប្រទេស ដោយគ្មានការលើកលែង។
សម្ដេចតេជោ ហ៊ុន សែន ក៏បានបញ្ជាក់យ៉ាងដាច់ណាត់ផងទៀតថា បើអាជ្ញាធរនិងសមត្ថ កិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានអនុវត្តក្នុងការទប់ស្កាត់និង បង្រ្កាប ទី តាំងបនល្បែងស៊ីសងខុសច្បាប់គ្រប់ប្រភេទនៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចមូលដ្ឋាន ទាំងនោះ?និងមានបញ្ហាប្រឈមនិងបាត់បង់ពីតំណែងទៀតផង៕មានត
