ខេត្តត្បូងឃ្មុំ៖ ប្រភពថ្មីៗពីក្រុមឈ្មួញនិងអាជីវកររកសុីដឹកជញ្ជូនទំនិញចេញចូលពីប្រទេសវៀតណាមឆ្លងកាត់លើកំណាត់ផ្លូវជាតិលេខ៧ បានអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយនិងថ្នាក់ដឹកនាំក្រសួងស្ថាប័នពាក់ព័ន្ធដាក់ការសេុីបអង្កេតស្រាវជ្រាវអោយសុីជម្រៅជុំវិញភាពមិនប្រក្រតីរបស់(ក្រុមគយដាក់កុងត្រូលជជុះ)មួយកន្លែងស្ថិតលើផ្លូវជាតិលេខ៧ នៅឃុំក្រែក ស្រុកពញាក្រែក ខេត្តត្បូងឃ្មុំ ដែលប្រព្រឹត្តអំពើពុករលួយប្រមូលលុយពីក្រុមអាជីវករម្ចាស់យានយន្ត ដឹកទំនិញឆ្លងដែនពីប្រទេសវៀតណាម ចូល មកប្រទេសកម្ពុជា ។ ទីតាំង(ក្រុមគយកុងដាក់ត្រូលជជុះ)នោះបើធ្វើដំណើរទៅស្រុកមេមត់គឺកម្លាំងគយមួយក្រុមនេះដាក់នៅលើផ្លូវជាតិលេខ៧ ខាងឆ្វេងដៃ។ មហាជនជាច្រើនដាក់ជាចម្ងល់ឆ្ងល់ថា តើក្រុមគយនៅចំណុចខាងលើ ចំណុះអោយគយ ខេត្ត ឬ គយចល័តលើផ្ទៃប្រទេស ? ចាំបង្ក្រាបបទ ល្មើសរត់ពន្ធ ? ឬក៍ដាក់មកចាំសង្កត់កក្រុមឈ្មួញនិងអាជីវករ រកសុីដឹកទំនិញស្របច្បាប់ឆ្លងកាត់លើកំណាត់ផ្លូវមួយនេះ ? ។
ប្រភពអាជីវករដឹកទំនិញបានបន្តថា ទំនិញក្នុង១រថយន្តសាំយ៉ុង ត្រូវបង់ឱ្យក្រុមគយនៅទីតាំងខាងលើចំនួន ៨០មុឺនទៅ១ លានរៀល ដែលដឹកទំនិញចេញពីប្រទេសវៀតណាម ចូលមកប្រទេសកម្ពុជា។ បណ្ដាទំនិញទាំង ឡាយដែលឆ្លងដែនពីប្រទេសវៀតណាម ចូលមកនោះសុទ្ធតែត្រូវបង់ពន្ធគយនៅច្រកព្រំដែនរួចហើយ។ ហេតុដូច ម្ដេចបានជាមានពួកក្រុមគយនៅមិនឆ្ងាយពីគយព្រំដែនមួយកន្លែងទៀតដែលចាំយកលុយស្រួលៗបន្ថែមទៀតនោះ ។ មជ្ឈដ្ឋាននានាឆ្ងល់ថា ករណីនេះតើបទបញ្ជារបស់ក្រសួងសេដ្ឋកិច្ចហិរញ្ញវត្ថុឬអគ្គនាយកដ្ឋានគយនិងរដ្ឋាករកម្ពុជា មែនដែរឬ ? បើវាជាគយស្របច្បាប់ បញ្ជាថ្នាក់លើ?គួរតែលើកផ្លាកទីស្នាក់ការឲ្យបានច្បាស់លាស់និងសមរម្យផងទាន!។
គួរបញ្ជាក់ថា គយមួយកន្លែងនេះឃើញតែរថយន្ត១គ្រឿង ដែលបិទផ្លាកគយ តែមិន ឃើញលើកស្លាកទីស្នាក់ការឱ្យបានត្រឹមត្រូវតាមបទកដ្ឋានគតិយុត្តិ នោះទេ? ហើយរាល់ថ្ងៃនេះគេឃើញតែរថយន្តដឹកទំនិញឆ្លងកាត់ ចេញចូលបង់លុយនឹងយកឯកសារ”ត្រួតពិនិត្យរថយន្តដឹកទំនិញអោយបានត្រឹមត្រូវនោះទេ?មិនថាតិចឬច្រើនសុទ្ធ តែត្រូវចូលទៅជួបពួកមន្ត្រីគយប្រចាំការនៅទី នោះពោល (កុងត្រូលជជុះឬប៉ុស្តិ៍ជជុះ)។
ប្រភពពីពលរដ្ឋនៅក្បែរទីតាំងខាងលើបានបន្ថែមថា (គយកុងត្រូលជជុះ)នៅទីនេះមិន បានត្រួតពិនិត្យទំនិញអ្វីឲ្យច្បាស់លាស់នោះទេ? ពោលគឺយកតែលុយក្រុមឈ្មួញនិងអាជីវករដឹកទំនិញឆ្លងកាត់លើកំណាត់ផ្លូវផាតិលេខ៧ តាមការកំណត់របស់ក្រុមគយចំណុចនោះជាការស្រេច។ ទំនិញដែលនាំចូលពីប្រទេសវៀតណាមចូលមកប្រទេស កម្ពុជា ដូចជាគ្រឿង ឧបភោគបរិភោគបន្លែ បង្ការជាដើម គឺក្រុមគយដឹងតែពីយកលុយ, មិនបានត្រួតពិនិត្យអ្វីឡើយ។ ការដែលមិនបានត្រួតពិនិត្យអោយបានត្រឹមត្រូវនោះវាបង្កហានិភ័យនិងគ្រោះថ្នាក់យ៉ាង ខ្លាំងសម្រាប់សុខភាពរបស់ប្រជាពលរដ្ឋ។ ប៉ុន្តែមន្ត្រីគយទាំងនោះអាចនិយាយថាបញ្ហាសុខភាពពាក់ព័ន្ធនឹងមន្ត្រីកាំកុងត្រូល រីឯពួកគាត់ជាគយដឹងតែយកលុយចែកគ្នាធ្វើមានបានប៉ុណ្ណោះទេ។ ដែលបញ្ហានេះថ្នាក់ដឹកនាំគួរត្រួតពិនិត្យឲ្យបានច្បាស់លាស់អំពីបញ្ហាតួនាទីគយនៅកន្លែងនោះអោយម៉ត់ចត់ផង។
ហេតុនេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយធ្លាប់ប្ដេជ្ញាលុបបំបាត់អំពើពុក រលួយតាមដងផ្លូវចាត់វិធានការទប់ស្កាត់អំពើពុករលួយរបស់(ក្រុមមន្រ្តី គយដាក់កុងត្រូលជជុះ)តាមដងផ្លូវដែលស្ថិតនៅលើកំណាត់ផ្លូវជាតិលេខ៧ឃុំក្រែក ស្រុកពញាក្រែក ខេត្តត្បូងឃ្មុំ ផង។ពាក់ព័ន្ធព័ត៌មានខាងលើគេហទំព័រ(www.enn-tv.com)យើងខ្ញុំរងចាំនូវការពន្យល់បកស្រាយពីស្ថាប័នសាមីពាក់ព័ន្ធ រាល់ម៉ោងធ្វើការ៕មានត
