ខេត្តកំពង់ចាម ៖ រាជរដ្ឋាភិបាលកម្ពុជា ដាក់ចេញនូវគោលនយោបាយ ភូមិ ឃុំ សង្កាត់ មានសុវត្ថិភាព ៧ ចំណុចដាក់ចេញអោយថ្នាក់ក្រោមជាតិអនុវត្តអោយមាន ប្រសិទ្ធ ភាពជូនប្រជាពលរដ្ឋ ដោយឡែកអាជ្ញាធរនិងសមត្ថកិច្ចមូលដ្ឋាន ឃុំ ស្រកព្រៃឈរ អនុវត្តផ្ទុយពីគោលនយោបាយភូមិ ឃុំ សង្កាត់ មានសុវត្ថិភាព៧ ចំណុចដែលដាក់ចេញដោយក្រសួងមហាផ្ទៃទៅវិញ។
ប្រភពពីប្រជាពលរដ្ឋភូមិសូសែន.ភូមិព្រៃ ឈរ បានអោយដឹងថា ល្បែងសុីសងជល់មាន់តាមប្រព័ន្ធអនឡាញខុសច្បាប់ ដែលស្ថិតនៅភូមិសូសែន.ភូមិព្រៃឈរ ឃុំស្វាយរក្ស ឃុំល្វាក្នុងអាណាចក្រស្រុកព្រៃឈរ ខេត្តកំពុងចាម កំពុងបើកពង្រាយដំណើរការល្បែងមាន់ជល់តាមប្រព័ន្ធអនឡាញខុសច្បាប់ជាច្រើនកន្លែងលេងចាក់ភ្នាល់ដាក់ លុយចាញ់ឈ្នះរាប់លានរៀលក្នុងមួយថ្ងៃៗយ៉ាងគគ្រឹក គគ្រេងស្រែកហ៊ោ កញ្ជ្រៀវត្រហឹងកងរំពងយ៉ាងអនាធិបតេយ្យបំផុត! រីឯអាជ្ញាធរនិងសមត្ថកិច្ចក្នុងមូលដ្ឋាន បានរក្សាភាពស្ងៀមស្ងាត់ បណ្តោយអោយបុគ្គលម្ចាស់បនល្បែងសុីសងបើកលេងនៅក្នុងមូល ដ្ឋានដោយសេរីយ៉ាងរលូនមិនព្រមបង្ក្រាប ។
ប្រភពបន្តថា ទីតាំងបនល្បែងសុីសងជល់មាន់តាមប្រព័ន្ធ អនឡាញខុសច្បាប់នេះនៅក្នុងអាណាចក្រស្រុកព្រៃឈរ ៖រួមមាននៅភូមិព្រៃឈរ ឃុំល្វា ស្រុកព្រៃឈរ ខេត្តកំពង់ចាម ជាច្រើនកន្លែងកំពុងបើកលេងគគ្រឹកគគ្រេងអនាធិបតេយ្យយ៉ាងរលូន រីឯលោក ខេង ម៉េងឈុន អភិបាលស្រុកព្រៃ ឈរ ខេត្តកំពង់ចាមនិងលោកវរ:សេនីយ៍ឯក សេង ណា អធិការដ្ឋាននគរបាល ស្រុកព្រៃ ឈរ ខេត្តកំពង់ចាម មិនព្រមបង្រ្កាប!អោយស្រប តាមគោលនយោបាយ ភូមិ ឃុំ មានសុវត្ថិភាព ៧ ចំណុចរបស់រដ្ឋាភិបាលដែលបានដាក់ចេញដោយក្រសួងមហាផ្ទៃនោះទេ។
ប្រជាពលរដ្នរស់នៅក្នុងភូមិ ឃុំ ទាំងពីរក្នុងស្រុកព្រៃឈរ មាន ការព្រួយបារម្ភភ័យខ្លាចបញ្ហាអសន្តិសុខសង្គម អំពើចោរកម្ម ចោរ លូច.ចោរឆក់.ចោរគាស់ផ្ទះ.គ្រឿងញៀននិងប្រើអំពើហិង្សាគ្រួសារដើម ចមកើតចេញពីល្បែងសុីសងនេះឯង។
ប្រជាពលរដ្ឋរស់នៅក្នុងមូលដ្ឋានខាងលើសូមអំពាវនាវដល់លោក អ៊ុន ចាន់ដា អភិបាល ខេត្តកំពង់ចាមនិងលោក ហេង វុទ្ធី ស្នងការដ្ឋាននគរបាលខេត្តកំពង់ចាម មេត្តាចាត់វិធានការទប់ស្កាត់បង្រ្កាបល្បែងសុីសងមាន់ជល់តាមប្រព័ន្ធអនឡាញខុសច្បាប់អោយមាន ប្រសិទ្ធ ភាពផង។ដោយហេតុថាលោក ខេង ម៉េងឈុន អភិបាលស្រុកព្រៃ ឈរនិងលោក សេង ណា អធិការដ្ឋាននគរ បាលស្រុកព្រៃឈរ រក្សាភាពស្ងៀមស្ងាត់ទុកអោយម្ចាស់បនល្បែងស៊ីសងមាន់ជល់តាមប្រព័ន្ធអនឡាញខុសច្បាប់បើកលេងសុីសងគគ្រឹកគគ្រេងនៅក្នុងមូល ដ្ឋានខ្លួនមិនព្រមបង្រ្កាប ទើបមហាជនដាក់ការសង្ស័យថា ជាឆ្នាំងបាយ ។
គួររំលឹកថា កាលនៅថ្ងៃទី១៧ខែកញ្ញា ឆ្នាំ២០ ២២ កន្លងផុតទៅថ្មីៗនេះ សម្តេចតេជោ ហ៊ុន សែន បានដាក់បទបញ្ជាអោយ អភិបាល រាជធានី ទាំង ២៥ ខេត្ត ក្រុង ត្រូវតែបង្រ្កាបទីតាំងបនល្បែងស៊ីសងខុសច្បាប់គ្រប់ប្រភេទ ទូទាំងប្រទេស គ្មានការលើកលែង។
សម្តេចតេជោ ហ៊ុន សែន បានបញ្ជាក់យ៉ាងដាច់ណាត់ទៀតថា បើអាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានក្នុងការទប់ស្កាត់ និងបង្ក្រាបទីតាំងល្បែងស៊ីសងខុសច្បាប់ នៅក្នុងមូលដ្ឋានរបស់ខ្លួនគ្រប់គ្រងនោះទេ ?អាជ្ញាធរនិងសមត្ថកិច្ចទាំងនោះនិងមានបញ្ហាប្រឈមនិងបាត់ បង់ពីតំណែងទៀតផង៕មានត