ខេត្តកណ្តាល ៖ ប្រមុខរាជរដ្ឋាភិបាលកម្ពុជា បានដាក់ចេញនូវគោលនយោបាយ ភូមិ ឃុំ សង្កាត់ មានសុវត្ថិភាព ៧ ចំណុចអោយ មន្រ្តីថ្នាក់ក្រោមជាតិអនុវត្តទប់ស្កាត់និងបង្រ្កាបរាល់ល្បែងសុីសងគ្រប់ប្រភេទទូទាំងប្រទេសអោយខានតែបានមិនអនុញ្ញាតឡើយ។ ប៉ុន្តែអាជ្ញាធរនិងសមត្ថកិច្ចមូលដ្ឋាន សង្កាត់ សំពៅពូន ក្រុងសំពៅពូន ខេត្តកណ្តាល បណ្តោ យអោយម្ចាស់កាស៊ីណូ “កាឡាក់សុីជ្រៃធំGaIaxy” បើកអោយពលរដ្ឋខ្មែរចូលលេងល្បែងសុីសងជល់មាន់បៀអាប៉ោងយូគី ខុសច្បាប់ គគ្រឹក គគ្រេងយ៉ាងអនាធិបតេយ្យ។
ប្រភពពីពលរដ្ឋរស់នៅក្នុងមូលដ្ឋាបានអោយដឹងថា ម្ចាស់កាស៊ីណូ”កាឡាក់សុីជ្រៃធំGaIaxy ” កៀងគរប្រមូលពលរដ្ឋខ្មែរមកតាមបណ្ដាខេត្តនានាអោយមកចូលលេងល្បែងសុីសងខុសច្បាប់ ដោយសេរី មកចាក់ភ្នាល់ដាក់ លុយចាញ់ឈ្នះរាប់ពាន់រាប់មុឺនដុល្លារ ហើយនាំគ្នាស្រែកហ៊ោកញ្ជ្រៀវយ៉ាងទ្រហឹងកង រំពងធ្វើអោយប្រជាពលរដ្ឋរស់នៅក្បែរទីតាំងនោះមានការព្រួយបារម្ភនិងភ័យខ្លាចនូវបញ្ហាអសន្តិសុខសង្គមនិងអំពើចោរកម្មចោរ លូច. ចោរប្លន់.ចោរឆក់. ចោរគាស់ផ្ទះ.គ្រឿង ញៀននិងប្រើអំពើហិង្សាគ្រួសារដើមចមកើតចេញ ពីល្បែង សុីសងនេះឯង។ ចំណែកសមត្ថកិច្ចនិងអាជ្ញាធរមូលដ្ឋានក្រុងសំពៅពូន ខេត្តកណ្ដាលនាំគ្នារក្សាភាពស្ងៀមស្ងាត់ទុកអោយម្ចាស់កាសុីណូ”កាឡាក់សុី ជ្រៃធំ Galaxy” បើកអោយពលរដ្ឋខ្មែរចូលលេងល្បែងសុី សងយ៉ាងគគ្រឹកគគ្រេងផ្ទុយពីច្បាប់អនុញ្ញាត ។ប្រជាពលរដ្ឋរស់នៅក្នុងភូមិជ្រៃធំ សង្កាត់សំពៅពូន ក្រុងសំពៅពូន អំពាវនាវដល់ថ្នាក់ដឹកនាំក្រសួងមហាផ្ទៃ លោក នាយឧត្តមសេនីយ៍សន្តិបណ្ឌិត ស ថេត អគ្គស្នងការនគរបាលជាតិ នីតិកាល ទី៧ និងលោកសន្តិតបណ្ឌិត សុខ ផល រដ្ឋលេខាធិការក្រសួងមហាផ្ទៃ មេត្តាដាក់មន្រ្តីក្រោមឱវាទខេត្តចុះពិនិត្យទីតាំងកាស៊ីណូ “កាឡាក់សុីជ្រៃធំ Galaxy” ដែលបើកអោយពលរដ្ឋខ្មែរចូលលេងល្បែងស៊ីសងគគ្រឹក គគ្រេងរាល់ថ្ងៃផ្ទុយពីច្បាប់អនុញ្ញាតនោះផង។
ដូច្នេះលោក គង់ សោភ័ណ្ឌ អភិបាលខេត្តកណ្ដាលនិង ឧត្តមសេនីយ៍ទោ ឈឿន សុចិត្ត ស្នងការដ្ឋាននគរបាលខេត្តកណ្ដាល រួមទាំងលោក សំ តុលា មេបញ្ជាការកងរាជអាវុធ ហត្ថខេត្តកណ្តាល មេត្តាចុះទប់ ស្កាត់បង្ក្រាបទីតាំងបនល្បែងស៊ីសងជល់មាន់ បៀ អាប៉ោង យូគីខុសច្បាប់ជ្រកក្រោមស្លាក កាស៊ីណូ”កាឡាសុីជ្រៃធំGalaxy” មួយកន្លែងនេះដែលបើកអោយពលរដ្ឋខ្មែរចូលលេងល្បែងសុីសងខុសច្បាប់អោយមានប្រសិទ្ធ ភាពស្របតាមគោលនយោបាយ ភូមិ ឃុំ សង្កាត់ មានសុវត្ថិភាព៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃផង។ ព្រោះថាម្ចាស់ទីតាំងកាសុីណូ “កាឡាក់សុីជ្រៃធំGalaxy”បើកអោយប្រជាពលរដ្ឋខ្មែរចូល លេងល្បែងសុីសងយ៉ាងគគ្រឹកគគ្រេងរំលោភលើច្បាប់អនុញ្ញាតហើយទាន៕មានត