ខេត្តត្បូងឃ្មុំ៖ ប្រភពថ្មីៗពីក្រុមឈ្មួញនិងអាជីវកររកសុីដឹក ជញ្ជូនទំនិញចេញចូលពីប្រទេសវៀតណាមឆ្លងកាត់លើកំណាត់ផ្លូវជាតិលេខ៧ បានអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយនិងថ្នាក់ដឹកនាំក្រសួងស្ថាប័នពាក់ព័ន្ធដាក់ការសេុីបអង្កេតស្រាវជ្រាវអោយសុីជម្រៅជុំវិញភាពមិនប្រក្រតីរបស់ក្រុមគយមួយកន្លែងស្ថិតលើផ្លូវជាតិលេខ៧ នៅឃុំក្រែក ស្រុកពញាក្រែក ខេត្តត្បូងឃ្មុំ ដែលប្រព្រឹត្តអំពើពុករលួយប្រមូលលុយពីក្រុមអាជីវករម្ចាស់យានយន្តដឹកទំនិញឆ្លងដែនពីប្រទេសវៀតណាម ចូលមកប្រទេសកម្ពុជា ។ទីតាំងក្រុមគយបើធ្វើដំណើរទៅ ស្រុកមេមត់ គឺកម្លាំងគយមួយក្រុមនេះដាក់នៅ លើផ្លូវជាតិ លេខ៧ ខាងឆ្វេងដៃ។ មហាជនជាច្រើនដាក់ជាចម្ងល់ឆ្ងល់ថាតើក្រុមគយចំណុចខាងលើ ចំណុះអោយគយខេត្ត ឬ គយចល័តលើផ្ទៃប្រទេស ចាំបង្ក្រាបបទ ល្មើសរត់ពន្ធ ? ឬក៍ចាំសង្កត់កក្រុមឈ្មួញនិងអាជីវករ រកសុីដឹកទំនិញស្របច្បាប់ឆ្លង កាត់លើកំណាត់ផ្លូវលេខ៧នេះ ? ។
ប្រភពអាជីវករដឹកទំនិញបានបន្តថា ទំនិញក្នុង១រថយន្តសាំយ៉ុង បង់ឱ្យក្រុមគយនៅទីតាំងខាងលើចំនួន ៨០មុឺនទៅ១លានរៀល ដែលដឹកទំនិញចេញពីប្រទេសវៀតណាម ចូលមកប្រទេសកម្ពុជា។ បណ្ដាទំនិញទាំង ឡាយដែលឆ្លងដែនពីប្រទេសវៀតណាម ចូលមកនោះសុទ្ធតែត្រូវបង់ពន្ធនៅព្រំដែនរួចហើយ។ ហេតុដូចម្ដេចបានជាមានពួក គយនៅមិនឆ្ងាយពីគយព្រំដែនមួយកន្លែងទៀត ដែលចាំយកលុយស្រួលៗបន្ថែមទៀត។ ករណីនេះតើបទបញ្ជារបស់ក្រសួងសេដ្ឋកិច្ច ហិរញ្ញវត្ថុនិងអគ្គនាយកដ្ឋានគយនិងរដ្ឋាករ មែនដែរឬទេ? បើវាជាគយស្របច្បាប់គួរតែលើកផ្លាកទីស្នាក់ការឲ្យបានច្បាស់លាស់និងសមរម្យផង។ គួរបញ្ជាក់ថា គយមួយកន្លែងនេះឃើញតែរថយន្ត១គ្រឿង បិទផ្លាកគយ តែមិនឃើញលើកស្លាកទីស្នាក់ការឱ្យបានត្រឹមត្រូវតាម បទកដ្ឋានគតិយុត្ត នោះទេ? ហើយគេឃើញ តែរថយន្តដឹកទំនិញឆ្លងកាត់ចេញចូលឈប់បង់លុយនឹង យកឯកសារ”ត្រួតពិនិត្យ” តែតាមពិតចាំស្ទាក់រថយន្តដឹកទំនិញអោយបង់លុយចែកគ្នាធ្វើមានបានយ៉ាងសុខស្រួល?មិនថាតិច ឬច្រើនសុទ្ធតែត្រូវចូលទៅជួបពួកមន្ត្រី គយ តែប្រចាំការនៅទីនោះពោល (ប៉ុស្តិ៍ជជុះ) ។
ប្រភពពីពលរដ្ឋនៅក្បែរទីតាំងបានបន្ថែមថា គយជជុះនៅទីនេះមិនបានត្រួតពិនិត្យទំនិញអ្វីឲ្យច្បាស់លាស់នោះទេ? ពោលគឺយកតែ លុយក្រុមឈ្មួញនិងអាជីវករដឹកទំនិញឆ្លងកាត់លើកំណាត់ផ្លូវផាតិលេខ៧ជាការស្រេច ។ ទំនិញដែលនាំចូលពីប្រទេសវៀត ណាមចូលមកប្រទេសកម្ពុជាដូចជាគ្រឿងឧបភោគបរិភោគបន្លែបង្ការជាដើម គឺគយដឹងតែពី យកលុយ,មិនបានត្រួតពិនិត្យអ្វីឡើយ។ ការដែលមិនបានត្រួតពិនិត្យអោយបានត្រឹម ត្រូវនោះវាបង្កហានិភ័យនិងគ្រោះថ្នាក់យ៉ាងខ្លាំងសម្រាប់សុខភាពប្រជាពលរដ្ឋ ។
ប៉ុន្តែមន្ត្រីគយទាំងនោះអាចនិយាយថាបញ្ហាសុខភាពពាក់ព័ន្ធនឹងមន្ត្រីកាំកុងត្រូល រីឯ ពួកគាត់ជាគយដឹងតែយកលុយចែកគ្នាធ្វើមានបានប៉ុណ្ណោះទេ។ ដែលបញ្ហានេះថ្នាក់ដឹកនាំគួរត្រួតពិនិត្យឲ្យបានច្បាស់លាស់អំពីបញ្ហាតួនាទីគយនៅកន្លែងនោះផង។ ហេតុនេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយធ្លាប់ ប្ដេជ្ញាលុបបំបាត់ អំពើពុករលួយតាមដងផ្លូវចាត់វិធានការទប់ស្កាត់អំពើពុករលួយក្រុមមន្រ្តីគយជជុះតាម ដងផ្លូវចាំពួនស្ទាក់ចាប់រថយន្តអាជីវករនិងឈ្មួញដឹកបន្លែទំនិញចេញពីប្រទេសវៀត ណាមឆ្លងកាត់នៅលើកំណាត់ផ្លូវជាតិលេខ ៧ ឃុំក្រែក ស្រុកពញាក្រែក ខេត្តត្បូងឃ្មុំ នេះផងទាន៕មានត