ខេត្តកណ្ដាល ៖ រាជរដ្ឋាភិបាលកម្ពុជាបានដាក់ចេញនូវគោលនយោបាយ ភូមិ ឃុំ សង្កាត់មានសុវត្ថិភាព ៧ ចំណុចអោយមន្រ្តីថ្នាក់ក្រោមអនុវត្តទប់ស្កាត់និងបង្រ្កាបរាល់ល្បែងសុីសងទូទាំង ប្រទេសមិនអនុញ្ញាតឡើយ។ ដោយឡែកអាជ្ញាធរនិងសមត្ថកិច្ចមូលដ្ឋានស្រុកកោះធំ ខេត្តកណ្ដាល មិនអនុ វត្តតាមគោលនយោបាយ ភូមិ ឃុំ សង្កាត់ មានសុវត្ថិភាព ៧ចំណុចនោះទេ? បែជាបណ្ដោយអោយម្ចាស់ ” កាស៊ីណូយីហោ Grand Gragon “និង”កាស៊ីណូយីហោ Galaxy ” ទាំងពីកន្លែងនេះបើកអោយពល រដ្ឋខ្មែរចូលលេងល្បែងសុីសងជល់មាន់ បៀរអាប៉ោង យូគីនិងហ្គេមបាញ់ត្រី យ៉ាងគគ្រឹក គគ្រេង នៅក្នុងកាស៊ីណូ ឃុំសំពៅពូន ស្រុកកោះធំ ខេត្ត កណ្តាលដដែល រីឯអាជ្ញាធរនិងសមត្ថកិច្ចជំនាញពាក់ព័ន្ធក្នុងមូលដ្ឋានមិនទាន់បង្រ្កាបនៅ ឡើយទេ? មហាជនដាក់ការ សង្ស័យថា ប្រហែលអាជ្ញាធរនិងសមត្ថកិច្ចមូលដ្ឋានស្រុក ខេត្ត បានទទួលលាភសក្ការៈ ពីម្ចាស់បនល្បែងទាំងពីកន្លែងនោះទេដឹង? ទើបនាំគ្នារក្សាភាពស្ងៀមស្ងាត់! ទុកអោយម្ចាស់កាសុីណូ បើកពង្វក់អោយពលរដ្ឋខ្មែរចូលលេងល្បែងសុីសង ផ្ទុយអំពីច្បាប់អនុ ញ្ញាត។
ពលរដ្ឋរស់នៅក្នុងមូលដ្ឋានបានអោយដឹងថា ម្ចាស់ “កាស៊ីណូយីហោGrand Gragon “និងម្ចាស់ “កាស៊ីណូយីហោ Galaxy” ទាំងពីកន្លែង នៅតែបន្តបើកអោយពលរដ្ឋខ្មែរចេញ ចូលលេងល្បែងសុីសងខុស ច្បាប់ មានក្រុមញៀនល្បែងខ្លះមកពីបណ្ដាខេត្តនានាមកចូលលេងយ៉ាងគគ្រឹក គគ្រេងពេញទំហឹងចាក់ភ្នាល់ដាក់ លុយចាញ់ឈ្នះរាប់ពាន់រាប់ម៉ឺនដុល្លារក្នុងមួយថ្ងៃៗហើយនាំគ្នាស្រែកហ៊ោកញ្ជៀវ ត្រហឹងកង រំពងយ៉ាងអនាធិបតេយ្យ ធ្វើអោយប្រជាពលរដ្ឋរស់នៅក្បែរនោះមានការព្រួយបារម្ភភ័យ ខ្លាចអំពីបញ្ហាអសន្តិសុខសង្គមនិងអំពើចោរកម្ម ចោរ លួច.ចោរ ឆក់.ចោរប្លន់.ចោរគាស់ផ្ទះ គ្រឿង ញៀននិងប្រើអំពើរហឹង្សាគ្រួសារ ដើមចមកើតចេញពីល្បែងសុីសងនេះឯង ។
ប្រជាពលរដ្ឋមូលដ្ឋានខាងលើសូមអំពាវនាវដល់លោកនាយឧត្តមសេនីយ៍សន្តិបណ្ឌិត ស ថេត អគ្គស្នងការនគរបាលជាតិ នីតិកាលទី៧ លោកសន្តិបណ្ឌិត សុខ ផល រដ្ឋលេខាធិ ការក្រសួងមហាផ្ទៃនិងជាប្រធាន គណៈ កម្មការបង្ការបង្ក្រាបបទល្មើសល្បែងស៊ីសងទូទាំងប្រទេសមេត្តាដាក់មន្ត្រីក្រោមឱវាទខេត្តចុះធ្វើការត្រួត ពិនិត្យនិងបង្រ្កាបទីតាំងកាសុីណូទាំងនោះដែលបើកអោយពលរដ្ឋខ្មែរចូលលេងល្បែងសុីសងខុសច្បាប់ គ្រប់ប្រភេទ ដែលផ្ទុយពីច្បាប់អនុញ្ញាតនេះ ផងទាន ។
ដែលបញ្ហានេះលោក គង់ សោភ័ណ្ឌ អភិ បាលខេត្តកណ្តាល លោក ឈឿន សុចិត្ត ស្នងការនគរបាលខេត្តកណ្តាលនិងលោក សំ តុលា មេបញ្ជាការកងរាជអាវុធហត្ថខេត្តកណ្ដាលបើពិតមិនបានជាប់ពាក់ព័ន្ធនឹងផលប្រយោជន៍នោះទេ? គួរតែចាត់វិធានការបង្រ្កាប ទីតាំង “កាសុីណូយីហោGrand Grgon” និង”កាសុីណូយីហោ GaIaxy “ទាំងពីរដែលស្ថិតនៅឃុំសំពៅពូស្រកកោះធំ ដែលកំពុងបើកដំណើរការរាល់ថ្ងៃអោយពល រដ្ឋខ្មែរចូលលេងល្បែងសុីសងគគ្រឹកគគ្រេងផ្ទុយពីច្បាប់នោះអោយមាន ប្រសិទ្ធភាពស្របតាមគោល នយោបាយភូមិ ឃុំ សង្កាត់មានសុវត្ថិភាពទាំង៧ ចំណុចដែលបានដាក់ចេញអោយក្រសួងមហាផ្ទៃ ផង៕មានត
