ខេត្តព្រៃវែង៖ ប្រភពពីពលរដ្ឋដែលរស់នៅក្បែរ” កាស៊ីណូយីហោ ៣៣” ច្រកព្រំដែនស្វាយអាង៉ោងដែលស្ថិតនៅក្នុងភូមិចាម ឃុំចាម ស្រុកកំពុងត្របែកបានអោយដឹងថា “កាស៊ីណូយីហោ ៣៣” ច្រក ព្រំដែនស្វាយ អាង៉ោងនៅតែបើកអោយពលរដ្ឋខ្មែរចូល លេងល្បែងស៊ីសងយ៉ាងគគ្រឹក គគ្រេង ដ ដែលទេ រីឯអាជ្ញាធរនិងសមត្ថកិច្ចជំនាញពាក់ព័ន្ធក្នុងមូលដ្ឋាន ឃុំ ស្រុក នាំគ្នារក្សាភាពស្ងៀមស្ងាត់។
ប្រភពបានបន្តអោយដឹងថា”កាសុីណូយីហោ ៣៣” ដែលបើកអោយពលរដ្ឋខ្មែរចូលលេងល្បែងសុីសងរាល់ថ្ងៃនោះគ្មានច្បាប់អនុញាតនោះទេ! ហើយមានខ្នងបង្អែករឹងមាំនៅក្នុងខេត្ត ទើបហ៊ានធ្វើអ្វីៗតាម អំពើចិត្ត។ ដូច្នេះលោក សួន សុម៉ាលីន អភិបាលខេត្តព្រៃវែងអាណត្តិទី៧និងលោក ឈឿន ប៊ុនឆន ស្នងការនគរ បាលខេត្តព្រៃវែងទើបកាន់តំណែងថ្មី ហ៊ានបង្រ្កាបម្ចាស់ “កាស៊ីណូយីហោ ៣៣ “ដែលកំពុងបើកអោយពលរដ្ឋខ្មែរចូលលេងល្បែងសុីសងផ្ទុយពីច្បាប់អនុញ្ញាតនោះដែរ ឬ?។
ប្រជាពលរដ្ឋសូមអំពាវនាវដល់ថ្នាក់ដឹកនាំក្រសួងមហាផ្ទៃលោកនាយឧត្តមសេនីយ៍សន្តិបណ្ឌិត ស ថេត អគ្គស្នងការនគរបាលជាតិ និងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការប្រយុទ្ធប្រឆាំងបទល្មើសល្បែង សុីសងទូទាំងប្រទេស មេត្តាចាត់មន្រ្តីក្រោមឱវាទចុះពិនិត្យទប់សង្កាត់និងបង្រ្កាប់ទីតាំង “កាស៊ីណូយីហោ ៣៣” នៅច្រកព្រំដែនស្វាយអាង៉ោងដែលបើកអោយប្រជាពលរដ្ឋខ្មែរចូលលេងល្បែងសុីសងជល់មាន់ បៀ អា ប៉ោងយូគីខុស ច្បាប់និងល្បែងច្រើនប្រភេទទៀតនៅក្នុង “កាសុីណូយីហោ ៣៣” ច្រកព្រំដែនស្វាយអាង៉ោងនេះផង។
ក្រុមញៀនល្បែងចេញចូល ក្នុង”កាសុីណូយីហោ ៣៣” បានបន្ថែមថា ភាគច្រើនអ្នកទៅចូលលេងល្បែងនៅទីនោះសុទ្ធ តែពលរដ្ឋខ្មែរដែលញៀននឹងល្បែងនាំគ្នាជិះឡានជិះម៉ូតូសេរីទំនើបៗ រាប់សិបគ្រឿងមកពីគ្រប់បណ្ដាខេត្តនានាចូលទៅ លេងដោយសេរីយ៉ាងរំភើយជារៀងរាល់ថ្ងៃក្នុងកាសុីណូយី ហោ ៣៣ លេងចាក់ភ្នាល់ដាក់លុយចាញ់ឈ្នះរាប់ពាន់រាប់មុឺនដុល្លារក្នុងមួយថ្ងៃៗស្រែកហ៊ោលញ្ជ្រៀវត្រហឺងកងរំពងយ៉ាងអនាធិបតេយ្យបំផុត។
ប្រជាពលរដ្ឋស្រុកកំពង់ត្របែក រងចាំមើលកណ្តាប់ដៃលោក សួន សុម៉ាលីន អភិបាលខេត្តព្រៃវែងអាណត្តិទី៧និងលោក ឈឿន ប៊ុនឆន ស្នងការនគរ បាលខេត្តព្រៃវែង មានចំណាត់ការបែបណាទៅលើម្ចាស់ “កាស៊ីណូយីហោ ៣៣” ដែលបើកពង្វក់អោយពលរដ្ឋខ្មែរចូល លេងល្បែងសុីសងផ្ទុយច្បាប់អនុញាតិនោះ។ ឬទុកអោយម្ចាស់ “កាស៊ីណូយីហោ ៣៣” ធ្វើព្យុះភ្លៀងគៀងគរប្រមូលផ្ដុំពលរដ្ឋខ្មែរអោយចូលលេងល្បែងជល់មាន់ បៀអាប៉ោងយូគីខុសច្បាប់និងល្បែងផ្សេងៗទៀត ដែលបង្កដល់ការភ័យខ្លាច ពីបញ្ហាអសន្តិសុខសង្គមនិងអំពើចោរកម្មចោរ ចោរ លូច.ចោរឆក់.ចោរប្លន់.ចោរគាស់ផ្ទះ. គ្រឿង ញៀននិងប្រើអំពើហិង្សាគ្រួសារគ្រឿងញៀនដើម ចមកើតចេញពីល្បែងសុីសងនេះឯង។
មហាជនដាក់ការសង្ស័យថា ប្រហែលម្ចាស់ “កាស៊ីណូយីហោ ៣៣” បានផ្ដល់ ផលប្រយោជន៍ប្រចាំថ្ងៃ ខែ ជូនអាជ្ញាធរនិងសមត្ថកិច្ចជំនាញពាក់ព័ន្ឋក្នុងមូលដ្ឋាន ឃុំ ស្រុក ខេត្ត រួចរាល់អស់ ហើយទេដឹង? បាន ជានាំគ្នារក្សាភាពស្ងៀមស្ងាត់ មិនព្រមចាត់វិធានការទប់ស្កាត់បង្ក្រាប ដើម្បីអោយស្របតាមគោល នយោបាយ ភូមិ ឃុំ សង្កាត់មានសុវត្ថិភាព ៧ចំណុចរបស់រាជរដ្ឋាភិបាលដែលដាក់ចេញដោយក្រសួងមហាផ្ទៃ។
បញ្ហានេះដែលលោក សួន សុម៉ាលីនអភិបាលខេត្តព្រៃវែងអាណត្តិទី៧ លោក ឈឿន ប៊ុនឆន ស្នងការខេត្តព្រៃវែងនិងលោក ឈួន គឹមសាន មេបញ្ជា ការកងរាជ អាវុធហត្ថខេត្តព្រៃវែង បើពិតមិនបានជាប់ពាក់ព័ន្ធនឹងផលប្រយោជន៍នោះទេ? គួរចាត់វិធានការបង្រ្កាបម្ចាស់”កាសុីណូយីហោ៣៣ ” នៅច្រកព្រំដែនស្វាយអាង៉ោង ស្រុកកំពង់ត្របែក ខេត្តព្រៃវែង ដែលបើកអោយប្រជាពលរដ្ឋខ្មែរចូលលេងល្បែងសុីសងខុសច្បាប់នេះអោយមាន ប្រសិទ្ធភាព ផង៕មានត
