កំពង់ចាម៖ ប្រភពពីក្រុមឈ្មួញនិងអាជីវករដែលដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្ត ថ្នល់កែងផ្លូវជាតិលេខ៦ ភូមិថ្នល់ កែង ឃុំសំបូរ ស្រុកបាធាយ ខេត្តកំពង់ចាម បានឲ្យដឹងថា ប្រធានស្ថានីយ៍ជញ្ជីងថ្លឹងរថយន្តថ្នល់កែងផ្លូវជាតិលេខ៦ ភូមិថ្នល់កែង កំពុងប្រែក្លាយទៅជាជញ្ជីងថ្លឹងលុយទាំងថ្ងៃ ទាំងយប់តាមអំពើចិត្ត។ ប្រភពបានឲ្យដឹងទៀតថា ឈ្មួញនិងអាជីវករដឹកជញ្ជូនទំនិញ ដឹក ជញ្ជូនកសិផល ផ្ទុកមិនលើសទម្ងន់ក៏ត្រូវបង់លុយតាមការ កំណត់របស់ប្រធានស្ថានីយ៍ជញ្ជីងថ្លឹងរថយន្ត ថ្នល់កែងផ្លូវជាតិ លេខ៦ ភូមិថ្នល់កែង និងបក្ខពួកមិនអាចតវ៉ាបាន។ ចំណែកឈ្មួញម្ចាស់រថយន្តធុនធំផ្ទុកទំនិញនិងកសិផលលើសទម្ងន់ អាចបើកបរឆ្លងកាត់ស្ថានីយ៍ជញ្ជីងថ្លឹងរថយន្តថ្នល់កែង យ៉ាងរំភើយឲ្យតែបង់ លុយតាមការ កំណត់របស់ប្រធានជញ្ជីងថ្លឹង និងបក្ខពួកជាការស្រេច។
ប្រភពពីមន្រ្តីរាជការនៅក្នុងមន្ទីរសាធារណ ការនិងដឹកជញ្ជូនខេត្តកំពង់ចាម បានបន្តថាការដែលប្រធានស្ថានីយ៍ជញ្ជីងថ្លឹងរថយន្ត ថ្នល់កែងផ្លូវជាតិលេខ ៦ ភូមិថ្នល់កែង ឃុំសំបូរ ស្រុកបាធាយ ខេត្តកំពង់ចាម អាចធ្វើអ្វីៗតាមអំពើ ចិត្តបានគឺដោយមានការបើក ដៃពីសំណាក់លោកប្រធាន មន្ទីរសាធារណ ការខេត្តកំពង់ ចាមផងដែរ។ ចំណែកលោក សេង ឈួន ដែលជាមេជញ្ជីងថ្លឹងរថយន្តទូទាំងប្រទេសបានរក្សាភាពស្ងៀមស្ងាត់ បើ ទោះ បីមានរឿងអាស្រូវពុករលួយ របស់ ប្រធានស្ថានីយ៍ជញ្ជីងថ្លឹងរថយន្តថ្នល់កែង ផ្លូវជាតិលេខ៦ត្រូវបានក្រុមឈ្មួញនិងអាជីវករលាតត្រដាងជាបន្តបន្ទាប់។មហាជនដាក់ការសង្ស័យថា អំពើពុករលួយរបស់ប្រធានស្ថានីយ៍ជញ្ជីងថ្លឹងរថយន្តថ្នល់កែង ផ្លូវជាតិ លេខ ៦ ភូមិថ្នល់កែង ឃុំសំបូរ ស្រុកបាធាយជាប្រភពចំណូលរបស់លោក សេង ឈួន ផងដែរ ទើបអ្វីៗអាចប្រព្រឹត្តដោយរលូនមក ដល់បច្ចុប្បន្ន។
ដូច្នេះ លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូននិងលោក សេង ឈួន មេជញ្ជីងថ្លឹងរថយន្តទូទាំងប្រទេសមិនទាន់ចាត់វិធានការទៅលើ ប្រធានស្ថានីយ៍ ជញ្ជីងថ្លឹងរថយន្តថ្នល់កែង នៅឡើយទេ។ ដោយហេតុថា ប្រធានមន្ទីរសាធារណការខេត្តកំពង់ចាម ដែលមានខ្នងបង្អែករឹងមាំ នៅតែបើកដៃឲ្យប្រធានស្ថានីយ៍ជញ្ជីងថ្លឹងរថយន្តថ្នល់កែងប្រែក្លាយទៅជាជញ្ជីងថ្លឹង លុយទាំងថ្ងៃទាំងយប់ ប្រព្រឹត្តរបៀបអំពើ ពុករលួយយ៉ាងពេញបន្ទុក។ហេតុនេះទើបក្រុមឈ្មួញនិងអាជីវករ ដឹកជញ្ជូនទំនិញ. កសិផលផ្សេងៗឆ្លងកាត់ស្ថានីយ៍ជញ្ជីងថ្លឹងរថយន្តថ្នល់កែងផ្លូវជាតិលេខ៦សូមអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយធ្លាប់ប្តេជ្ញាលុបបំបាត់អំពើពុករលួយនៅតាមដងផ្លូវដាក់ការស្រាវជ្រាវសេុីបអង្កេតអោយសុីជម្រៅទៅលើប្រធានស្ថានីយ៍ជញ្ជីងថ្លឹងរថយន្តថ្នល់កែង ប្រែក្លាយទៅជាជញ្ជីងថ្លឹងលុយទាំងថ្ងៃទាំង យប់នេះផង៕មានត
