ខេត្តព្រៃវែង៖ប្រភពពីពលរដ្ឋដែលរស់នៅក្បែរ” កាស៊ីណូយីហោ ៣៣” ច្រកព្រំដែនស្វាយអាង៉ោងដែលស្ថិតនៅក្នុងភូមិចាម ឃុំចាម ស្រុកកំពុងត្របែក ខេត្តព្រៃវែង បានអោយដឹងថា “កាស៊ីណូយីហោ ៣៣” ច្រក ព្រំដែនស្វាយអាង៉ោងនៅតែបើកអោយពល រដ្ឋខ្មែរចូល លេងល្បែងស៊ីសងយ៉ាងគគ្រឹក គគ្រេងដដែល រីឯអាជ្ញាធរនិងសមត្ថកិច្ចជំនាញពាក់ព័ន្ធក្នុងមូលដ្ឋាន ឃុំ ស្រុក នាំគ្នារក្សាភាពស្ងៀមស្ងាត់។
ប្រភពបានបន្តអោយដឹងថា”កាសុីណូយីហោ ៣៣” ដែលបើកអោយពលរដ្ឋខ្មែរចូលលេងល្បែងសុីសងរាល់ថ្ងៃនោះគ្មានច្បាប់អនុញាតនោះទេ! ដោយសារមានខ្នងបង្អែករឹងមាំនៅក្នុងខេត្ត ទើបម្ចាស់កាសុីណូ៣៣ហ៊ានធ្វើអ្វីៗតាមអំពើចិត្ត។ ដូច្នេះលោក ជា សុមេធី អភិ បាលខេត្តព្រៃវែងនិងលោក ឈឿន ប៊ុនឆនស្នងការនគរបាលខេត្តព្រៃវែង ទើបកាន់តំណែងថ្មី នោះតើហ៊ានបង្រ្កាប ម្ចាស់ “កាស៊ីណូយីហោ ៣៣”ដែលបើកអោយពលរដ្ឋខ្មែរចូលលេងល្បែងសុីសងផ្ទុយពីច្បាប់អនុ ញ្ញាតិនោះដែរឬ?។
ប្រជាពលរដ្ឋសូមអំពាវនាវដល់ថ្នាក់ដឹកនាំក្រសួងមហាផ្ទៃលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរ បាលជាតិ និងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការប្រយុទ្ធប្រឆាំងបទល្មើសល្បែង សុីសងទូទាំងប្រទេស មេត្តាចាត់មន្រ្តីក្រោមឱវាទចុះពិនិត្យទីតាំង”កាស៊ីណូយីហោ ៣៣ “នៅច្រកព្រំដែនស្វាយអាង៉ោងដែលបើកអោយប្រជាពលរដ្ឋខ្មែរចូលលេងល្បែងសុី សងជល់មាន់បៀអាប៉ោងយូគីខុសច្បាប់និងល្បែងច្រើនប្រភេទទៀតនៅក្នុង “កាសុីណូយីហោ ៣៣” ច្រកព្រំដែនស្វាយអាង៉ោងនេះ ផង។
ក្រុមញៀនល្បែងចេញចូលក្នុង”កាសុីណូយី ហោ ៣៣” បានបន្ថែមថា ភាគច្រើនអ្នកទៅចូលលេងល្បែងនៅទីនោះសុទ្ធ តែពលរដ្ឋខ្មែរដែលញៀននឹងល្បែងនាំគ្នាជិះឡាននិងម៉ូតូសេរីទំនើបៗ រាប់សិបគ្រឿងមកពីបណ្តាខេត្តនានាចូលទៅលេងល្បែងដោយសេរីយ៉ាងរំភើយជារៀងរាល់ថ្ងៃក្នុងកាសុីណូយីហោ ៣៣ នោះ។
មហាជនក៏ដូចប្រជាពលរដ្ឋស្រុកកំពង់ត្រ បែក រងចាំមើលកណ្តាប់ដៃលោក ជា សុមេធី អភិបាលខេត្តព្រៃវែងនិងលោក ឈឿន ប៊ុន ឆន ស្នងការនគរបាលខេត្តព្រៃវែង វិធានការបែបណាទៅលើម្ចាស់”កាស៊ីណូយីហោ ៣៣ ដែលបើកពង្វក់អោយពលរដ្ឋខ្មែរ ចូលលេងល្បែងសុីសងផ្ទុយច្បាប់អនុញាតិនោះ? ឬ មួយទុកអោយម្ចាស់”កាស៊ីណូយីហោ ៣៣” ធ្វើព្យុះភ្លៀងគៀងគរពលរដ្ឋខ្មែរចូលលេងល្បែងជល់មាន់បៀអាប៉ោងយូគីខុសច្បាប់និងល្បែងផ្សេងៗទៀតចាញ់ឈ្នះរាប់ពាន់រាប់មុឺនដុល្លារក្នុងមួយថ្ងៃៗហើយតែងបង្ក អសន្តិសុខសង្គម បញ្ហាអំពើចោរកម្មចោរ លូច.ចោរឆក់. ចោរប្លន់. ចោរគាស់ផ្ទះ.គ្រឿង ញៀននិងប្រើអំពើហិង្សាគ្រួសារដើមចមកើតចេញពីល្បែងសុីសងនេះឯង។ មហាជនដាក់ការសង្ស័យថា ប្រហែលម្ចាស់ “កាស៊ីណូយី ហោ ៣៣” បានផ្ដល់ផលប្រយោជន៍ប្រចាំថ្ងៃ ខែជូនអាជ្ញាធរនិងសមត្ថកិច្ចជំនាញពាក់ព័ន្ឋក្នុងមូលដ្ឋាន ឃុំ ស្រុក ខេត្ត រួចរាល់អស់ ហើយទេដឹង? បានជានាំគ្នារក្សាភាពស្ងៀមស្ងាត់ មិនព្រមចាត់វិធានការទប់ស្កាត់បង្ក្រាប ដើម្បីអោយស្របតាមគោលនយោបាយភូមិ ឃុំ មានសុវត្ថិភាព ៧ចំណុចរបស់រាជរដ្ឋាភិ បាលដែលដាក់ចេញដោយក្រសួងមហាផ្ទៃនិងអោយស្របតាមបទបញ្ជារ របស់សម្តេចក្រឡាហោម ស ខេង ផងទាន។
បញ្ហានេះដែលលោក ជា សុមេធី អភិបាលខេត្តព្រៃវែងលោក ឈឿន ប៊ុនឆន ស្នងការខេត្តព្រៃវែងនិងលោក ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង បើពិតមិនបានជាប់ពាក់ព័ន្ធនឹងផលប្រយោជន៍នោះទេ? គួរចាត់ វិធានការបង្រ្កាបម្ចាស់ ” កាសុីណូយីហោ៣៣ ” នៅច្រកព្រំដែនស្វាយអាង៉ោង ស្រុកកំពង់ត្របែក ខេត្តព្រៃ វែង ដែលបើកអោយប្រជាពលរដ្ឋខ្មែរចូល លេងល្បែងសុីសងខុសច្បាប់នេះអោយមានប្រសិទ្ធភាព ៕មានត
