ខេត្តបន្ទាយមានជ័យ៖បើយោងតាមប្រភពពីអ្នករត់” Pass App” និងម៉ូតូឌុប នៅមាត់ច្រកទ្វារព្រំដែនប៉ោយប៉ែតក្រុងប៉ោ យប៉ែតខេត្តបន្ទាយមានជ័យបានបង្ហើបអោយដឹងថា មានមន្ត្រីនគរបាលអន្តោប្រវេសន៍ ប្រចាំនៅច្រកទ្វារព្រំដែនអន្តរ ជាតិប៉ោយប៉ែតក្រុងប៉ោយប៉ែត ខេត្តបន្ទាយមានជ័យ មួយចំនួនបានឃុបឃិតប្រព្រឹត្តអំពើពុករលួយប្រមូល លុយដាក់ខែពីអ្នករត់កង់បីឥណ្ឌា “Pass App” ម៉ូតូឌុប និងប្រថាប់ត្រាលើប័ណ្ណឆ្លងដែនយកលុយពីជនបរទេស ជាហេតុ ធ្វើអោយពួកគាត់មិនសប្បាយចិត្តទាល់ តែសោះ ។
ប្រភពពីស្ត្រីជនជាតិថៃ ចូលប្រទេសកម្ពុជាបានអោយដឹងថា ការប្រថាប់ត្រាត្រូវបានមន្ត្រីនគរបាលអន្តោប្រវេសន៍តម្រូវ ឲ្យបង់ លុយក្នុង១នាក់ ២០០ បាតស្មើជាង២ម៉ឺន រៀល ជាហេតុធ្វើឲ្យជនបរទេសអាចមើល ងាយដល់ប្រទេសដោយ សារតែមន្ត្រីមួយចំនួនតូចស៊ីប្រាក់ខែរដ្ឋហើយមកគាបយក លុយលើតុ ក្រោមតុ តាមកាកំណត់មិនអាច តវាបានឡើយ ។
គួររំលឹកផងដែរថា ដោយសារតែការយក លុយពីជនបរទេសទើបកន្លងទៅមានជន ជាតិថៃបានលើកគ្នាទៅ សុំកិច្ចអន្តាគមន៍ពីអគ្គកុងស៊ុល កម្ពុជា ប្រចាំប្រទេសថៃ ស្នើសុំស្នាក់ នៅបានរយ:ពេល ៦យប់៧ថ្ងៃ និងសុំមិនឲ្យលុយថ្លៃប្រថាប់ ត្រាទៀតផងពេលនោះអគ្គកុង ស៊ុលកម្ពុជាក៏យល់ព្រមហើយផងដែរ ។
ប្រភពអ្នករត់កង់បីឥណ្ឌា “PassApp” និងម៉ូតូឌុបបានបន្ថែមឲ្យដឹងទៀតថា ពួកគាត់រត់ម៉ូតូឈ្នួលនៅក្នុងបរិវេណមាត់ច្រកទ្វារព្រំ ដែនអន្តរជាតិប៉ោយប៉ែត បានដោយរលូនដោយសារបង់លុយឲ្យមន្ត្រីនគរអន្តោប្រវេ សន៍ ដោយ អោយឈ្មោះ(កុយ) ជនស៊ីវិលជាអ្នកប្រមូលលុយរាល់ខែ ពីកង់បីឥណ្ឌា “PassApp”ក្នុងមួយខែ ៣០០០ បាត”ពីពាន់បាតប្រាក់ថៃ” ចំណែក ម៉ុតូឌុប ប្រភេទ VIP ក្នុងមួយខែ ២០០០ បាត”ពីពាន់បាតប្រាក់ថៃ” ធម្មតា ១០០០បាត “មួយពាន់ បាត”ផងដែរ ហើយក្នុងម្នាក់ៗត្រូវមានវិទ្យុទាក់ទង(អាយ កូម)គ្រប់ដៃហាមមិនអោយប្រាប់អ្នកណាឬសារព័ត៌មាន។
ប្រភពដដែលបន្តថា អ្នករត់កង់បីឥណ្ឌា “PassApp ” ដែលត្រូវបង់លុយមានចំនួន ៨០គ្រឿង ចំណែកម៉ូតូក៏មានរាប់រយគ្រឿង បើមិនបានបង់លុយអោយពួកគេទេ? គេមិន អនុញ្ញាតឲ្យរត់ដឹកភ្ញៀវចេញ- ចូលមកពីដីថៃព្រមទាំងធ្វើទុកបុកម្និញទៀតផង ។អ្នករត់ឈ្នួល “PassApp”និងម៉ូតូ បានត្អូញត្អែថា ពេលខ្លះរួចខ្លួន ពេលខ្លះបានសល់បន្តិចបន្តូចត្រូវបង់ឲ្យប៉ូលីសទៀតផង។ មហាជនក៍ដូចប្រជាពលរដ្ឋខ្មែដែលបានចេញចូលច្រកទ្វារព្រំដែនអន្តរជាតិប៉ោយប៉ែតនាំ គ្នារិះគន់ក្រុម មន្រ្តីនគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ដែលយកលុយដាក់ខែ ពីអ្នករត់កង់បីឥណ្ឌា “PassApp “ម៉ូតូឌុបនិងជនបរទេសធ្វើព្យុះភ្លៀងតាមអំពើចិត្ត ។ដូច្នេះហើយក្រុមអ្នករត់” PassApp” និងម៉ូតូឌុបសូមអំពាវនាវដល់ថ្នាក់ ដឹកនាំក្រសួងមហាផ្ទៃពិសេសលោកនាយឧត្តមសេនីយ៍ គៀត ចន្ទ័ថារិទ្ធ អគ្គនាយកនៃអគ្គនាយកដ្ឋាននគរបាលអន្តោប្រវេសក្រសួងមហាផ្ទៃ មេត្តាពិនិត្យមើលមន្រ្តីនគរបាលអន្តោប្រវេ សន៍ច្រកទ្វារព្រំដែនអន្តរជាតិប៉ោយប៉ែតឡើងវិញខ្លះផងទាន ! ព្រោះហេតុថាចាប់ តាំងពីចាប់ ផ្តើមបើកឲ្យភ្ញៀវជាតិ អន្តរជាតិចេញ-ចូល ច្រកទ្វារនេះមកឃើញថាភាពមិនប្រក្រតីពុករលួយច្រើនបែបច្រើនយ៉ាងរបស់ មន្រ្តីនគរបាលច្រកទ្វារព្រំដែនប៉ោយប៉ែតមួយនេះរឿងរ៉ាវមិនចេះចប់ ។
ពាក់ព័ន្ធព័ត៌មានខាងលើគេហទំព័រ (www. enn- tv.com)យើងខ្ញុំរងចាំនូវការពន្យល់ បកស្រាយពីមន្ត្រីនគរ បាលអន្តោប្រវេសន៍ ច្រកទ្វារព្រំដែនអន្តរជាតិ ប៉ោយប៉ែត រាល់ម៉ោងធ្វើការ៕