ភ្នំពេញ ៖ ជារៀងរាល់ថ្ងៃចាប់ពីម៉ោង៦ព្រឹកគេបានឃើញសិស្សសាលាវិទ្យា ល័យហ៊ុនសែន១០០ខ្នង និស្សិតសាកល វិទ្យាល័យកម្ពុជា និងក្រុមបងតូចបងធំ បានប្រមូលផ្ដុំគ្នាមកញៀននឹងល្បែងស៊ី សងនៅក្នុងហាងអ៊ីនធើណេតដែលមាន យីហោ“អារីណា ARENA ZONE Enter tainment” ស្ថិតនៅកំណាត់ផ្លូវណតប្រ៊ីដ ដែលមានចម្ងាយត្រឹមតែ១០ម៉ែត្រពី ស្ដុបផ្លូវសហព័ន្ធរុស្ស៊ីកែងផ្លូវផ្សារដីហុយ ក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ ។
អ្នកនៅជិតទីតាំងខាងលើនេះបាន សម្ដែងនូវការព្រួយបារម្ភពីការបាត់បង់ អនាគតរបស់សិស្ស-និស្សិតពួកគេមិន ត្រឹមតែភ្លេចបាយភ្លេចទឹកប៉ុណ្ណោះទេ គឺ ក្បត់ទំនុកចិត្ដឪពុកម្ដាយ អាណាព្យាបាល និងមានអ្នកមួយចំនួនទៀតបានក្លាយទៅ ជាក្រុមបងតូចបងធំ កៀបសង្កត់យក លុយពីមិត្ដភក្ដិ អូសទាញកូនអ្នកត្រឹម ត្រូវដើរតាមគន្លងរបស់ពួកគេ ។ មិនថា កូនយើងកូនគេតែងតែប្រាថ្នាជានិច្ចឱ្យ ដើរតាមដំបូន្មានល្អ មានអនាគតភ្លឺ ស្វាង ប៉ុន្ដែបើសង្គមអូសទាញឱ្យមាន អំពើពាលាបែបនេះ ពួកគេនឹងងាយ ធ្លាក់ទៅរកអំពើភ្លើតភ្លើនភ្លេចសាលា តាមរយៈការអូសទាញពីមិត្ដភក្ដិខិលខូច ពិសេសប្រភពបនល្បែងស៊ីសងតាម អ៊ីនធើណេតនេះតែម្ដង ដែលជាទីតាំង ពង្វក់ស្មារតីសិស្ស-និស្សិតឱ្យដើរផ្លូវខុស។
បើតាមការអះអាងពីសមត្ថកិច្ច ប្រចាំការនៅទីនោះរួចទាំងបុគ្គលិកក្រុម ហ៊ុនក្បែរៗហាងអ៊ីនធើណេតអារីណា បញ្ជាក់ថា ទីតាំងខាងលើនេះអាចនឹង មានបង្កប់សម្រាប់ជាមធ្យោបាយដល់ សិស្ស-និស្សិតដែលគេចសាលាមួយ ចំនួនលាក់ខ្លួនពួនអាត្មា សេពថ្នាំញៀន នោះទៀតផង ។
លោក ប៉ែន ថុល នាយប៉ុស្ដិ៍រដ្ឋបាល នគរបាលទឹកថ្លាបានសារពត័មានក្នុងស្រុកតាម ទូរស័ព្ទកាលពីព្រឹកថ្ងៃទី១៥ ខែមករា ឆ្នាំ ២០១៥ ថា “ខ្ញុំមិនទាន់បានដឹងក្នុងរឿង នេះនៅឡើយទេ ប៉ុន្ដែត្រូវឱ្យមន្ដ្រីចុះទៅ ពិនិត្យមើលដោយផ្ទាល់ ពីព្រោះខ្ញុំកំពុង មានភារកិច្ចប្រចាំការនៅខណ្ឌ” ។
ដោយឡែកលោក ម៉ក់ ហុង អធិការ នគរបាលខណ្ឌសែនសុខកន្លងទៅបាន ប្រាប់នគរវត្ដតាមទូរស័ព្ទថា“រឿងនេះ អាចសួរទៅថ្នាក់លើ ពីព្រោះគេមានការ អនុញ្ញាតពីលើមក ខ្ញុំមិនអាចនិយាយ បានទេ” ។
បើតាមការអះអាងពីសមត្ថកិច្ច ប្រចាំការនៅទីនោះរួចទាំងបុគ្គលិកក្រុម ហ៊ុនក្បែរៗហាងអ៊ីនធើណេតអារីណា បញ្ជាក់ថា ទីតាំងខាងលើនេះអាចនឹង មានបង្កប់សម្រាប់ជាមធ្យោបាយដល់ សិស្ស-និស្សិតដែលគេចសាលាមួយ ចំនួនលាក់ខ្លួនពួនអាត្មា សេពថ្នាំញៀន នោះទៀតផង ៕